Лінкі ўнівэрсальнага доступу

ЦВК загадала прыбраць фіранкі з кабінак для галасаваньня падчас рэфэрэндуму


Ілюстрацыйнае фота. Кабіны для галасаваньня падчас прэзыдэнцкіх выбараў 2020 году

Падчас прэзыдэнцкіх выбараў 2020 году ўчастковыя камісіі таксама прыбіралі фіранкі з кабінаў для галасаваньня, нібыта дзеля таго, каб «пазьбегнуць распаўсюду каранавіруснай інфэкцыі».

«У мэтах прафіляктыкі рызыкаў, зьвязаных з распаўсюджваньнем каранавіруснай інфэкцыі, неабходна выключыць выкарыстаньне ў кабінах для галасаваньня пярэдняй шторкі, забясьпечыўшы пры гэтым таямніцу волевыяўленьня ўдзельнікаў рэфэрэндуму», — гаворыцца ў мэтадычным дапаможніку для ўчастковых камісій па рэфэрэндуме.

Такую ж меру ЦВК увёў падчас прэзыдэнцкіх выбараў 2020 году. Тагачасная старшыня ЦВК Лідзія Ярмошына патлумачыла: прыбраць фіранкі з кабінак неабходна, каб «у гэтых замкнёных прасторах не стваралася шкоднае эпідэміялягічнае асяродзьдзе».

Падчас выбараў 2020 году дэмакратычныя сілы заклікалі беларусаў фатаграфаваць бюлетэні і дасылаць плятформе «Голас», каб правесьці незалежны падлік галасоў.

На сёлетнім рэфэрэндуме апазыцыя таксама заклікала ісьці на выбарчыя ўчасткі, галасаваць супраць абодвух варыянтаў і фатаграфаваць бюлетэнь.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG