Лінкі ўнівэрсальнага доступу

Амбасада Расеі ў ЗША запатрабавала ад Вашынгтона не даваць зброі Ўкраіне


Брама амбасады Расеі ў Вашынгтоне

Расейскія дыпляматы лічаць, што Злучаныя Штаты штурхаюць Кіеў да «новых правакацый».

Амбасада Расеі ў Вашынгтоне патрабуе ад уладаў ЗША не пастаўляць зброі Ўкраіне. Расейскія дыпляматы кажуць, што Расея не зьбіраецца ні на кога нападаць, у тым ліку з тэрыторыі Беларусі.

У амбасадзе Расеі абвінавацілі Вашынгтон у эскаляцыі канфлікту на ўсходзе Ўкраіны. Нягледзячы на шматлікія доказы актыўнага ўдзелу расейскіх рэгулярных войскаў на акупаванай тэрыторыі на ўсходзе Ўкраіны, амбасада падтрымлівае наратыў Пуціна пра «ўнутрыўкраінскі канфлікт».

«Калі ЗША на самой справе адданыя дыпляматычным намаганьням ва ўрэгуляваньні ўнутрыўкраінскага канфлікту, ім варта адмовіцца ад плянаў па пастаўках новых партый узбраеньняў для ВСУ. Замест гэтага Вашынгтону трэба было б скарыстацца сваім уплывам на ўлады Украіны, каб пераканаць іх спыніць сабатаж менскіх дамоўленасьцяў».

Гаворачы пра «сувэрэннае права» на перамяшчэньне войскаў па «ўласнай зямлі», расейцы не згадалі вучэньняў, якія ў лютым пройдуць на тэрыторыі суседняй Беларусі паблізу з украінскай мяжой. Гэтыя вучэньні ўжо назвалі небясьпечнымі на Захадзе.

Зброю ва Ўкраіну па лініі NATO адмаўляецца пастаўляць Нямеччына.

З 2014 году на тэрыторыі Ўкраіны ідуць баявыя дзеяньні, на ўсходзе краіны ўтварыліся самаабвешчаныя «рэспублікі» «ДНР» і «ЛНР», якія жывуць дзякуючы падтрымцы Масквы. Нягледзячы на неаднаразова абвешчаныя рэжымы «цішыні», абстрэлы з акупаваных тэрыторый працягваюцца, у іх часта гінуць украінскія вайскоўцы.

Пагроза нападу Расеі на Ўкраіну

  • А 5-й гадзіне раніцы 24 лютага кіраўнік Расеі Ўладзімір Пуцін заявіў пра пачатак ваеннай апэрацыі супраць Украіны на Данбасе па просьбе груповак «ДНР» і «ЛНР». 21 лютага падчас тэлезвароту да расейцаў Пуцін назваў так званыя «ДНР» і «ЛНР» незалежнымі дзяржавамі ў межах абласьцей. 22 лютага Савет Фэдэрацыі ратыфікаваў гэтае рашэньне.
  • Усе дні вайны ідуць абстрэлы ўкраінскіх гарадоў ракетамі, налятае авіяцыя. Расейскія войскі атакуюць у тым ліку з тэрыторыі Беларусі, выкарыстоўваючы лётнішчы, базы і дарогі. Прадстаўнікі рэжыму Лукашэнкі апраўдваюць вайну, апазыцыя лічыць тэрыторыю Беларусі акупаванай і заклікае да супраціву расейскім захопнікам.
  • 27 лютага ва Ўкраіне стварылі Інтэрнацыянальны легіён Тэрытарыяльнай абароны, далучацца да якога заклікалі замежных добраахвотнікаў. Туды ўвайшлі і беларусы. За два з паловай месяцы вайны на фронце загінулі шасьцёра беларускіх добраахвотнікаў і жаўнераў УСУ: Аляксей «Тур» Скобля, Ільля «Літвін» Хрэнаў, Зьміцер «Тэрор» Апанасовіч, Зьміцер «Ганс» Рубашэўскі, Канстанцін «Фэнікс» Дзюбайла і Павал «Волат».
  • 30 сакавіка ААН зацьвердзіла склад незалежнай камісіі, якая зоймецца расьсьледаваньнем расейскіх ваенных злачынстваў ва Ўкраіне. У яе ўвайшлі людзі, якія працавалі ў разборы канфліктаў у Руандзе і Босьніі і Герцагавіне.
  • Насуперак заявам Пуціна пра атакі выключна на вайсковыя аб'екты, расейцы бамбяць школы, дзіцячыя садкі і жылыя кварталы ўкраінскіх гарадоў. Расейцы выкарыстоўваюць забароненую зброю, у тым ліку касэтныя бомбы супраць мірнага насельніцтва.
  • Колькасьць уцекачоў з Украіны перавысіла 5,5 млн чалавек.
  • 1 красавіка Літва стала першай краінай Эўразьвязу, якая цалкам адмовілася ад расейскага газу. За яе прыкладам рушылі Латвія і Эстонія. Нямеччына да канца 2022 году паабяцала цалкам прыпыніць выкарыстаньне расейскай нафты.
  • 2 красавіка, пасьля вызваленьня гораду Буча пад Кіевам, фотакарэспандэнты апублікавалі дзясяткі фатаздымкаў, на якіх відаць сотні нябожчыкаў, ахвяр масавых забойстваў, учыненых расейскімі войскамі. Многія пахаваныя ў стыхійных брацкіх магілах. Вялікія разбурэньні прынесла расейская акупацыя і Барадзянцы. Таксама вядома пра шэраг згвалтаваньняў, у тым ліку немаўляці.
  • У красавіку ракетных атак на Ўкраіну і авіяўдараў з тэрыторыі Беларусі стала меней, расейскія войскі пачалі пакідаць Беларусь.
  • Ад пачатку расейскага поўнамаштабнага ўварваньня ва Ўкраіну загінулі ўжо 26 прадстаўнікоў мэдыя — 19 журналістаў і 7 работнікаў іншых напрамкаў.
  • Украінцы ў траўні распачалі контранаступ на Слабажаншчыне, выціскаючы захопнікаў да іх межаў.
  • 9 траўня прэзыдэнт ЗША падпісаў закон аб лэнд-лізе. Гэты закон аднаўляе праграму часоў Другой сусьветнай вайны, якая дазволіць паскорыць пастаўкі Ўкраіне зброі і павялічыць аб’ёмы такой дапамогі.
  • У ноч на 17 траўня намесьніца міністра абароны Ўкраіны Ганна Маляр пацьвердзіла пачатак апэрацыі па выратаваньні ўкраінскіх вайскоўцаў, якія апынуліся ў пастцы на тэрыторыі «Азоўсталі». Паводле яе слоў, адтуль у лячэбную ўстанову акупаванага Новаазоўска былі эвакуяваныя 53 цяжка параненыя. Яшчэ 211 чалавек былі дастаўленыя ў Аленіўку па гуманітарным калідоры. Міністэрства абароны Расеі заяўляе, што амаль 1000 украінскіх байцоў на заводзе «здаліся» па стане на 18 траўня. Міжнародны Чырвоны Крыж афіцыйна зарэгістраваў гэтых байцоў у якасьці ваеннапалонных.
  • Незалежная праверка інфармацыі пра ваенныя дзеяньні, якую даюць афіцыйныя асобы розных бакоў, пакуль немагчымая.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG