Лінкі ўнівэрсальнага доступу

У Нямеччыне непрышчэпленым грамадзянам забаранілі наведваць грамадзкія месцы


Улады Нямеччыны забаранілі непрышчэпленым грамадзянам наведваць грамадзкія месцы, акрамя самых неабходных, і забаўляльныя ўстановы. Пра гэта паведамляе DW.

Дзейная і будучы канцлеры Ангела Мэркель і Олаф Шольц правялі ў чацьвер перамовы з кіраўнікамі фэдэральных земляў і прыйшлі да пагадненьня наконт новых захадаў барацьбы з пандэміяй каранавірусу. Для вакцынаваных уводзяцца новыя патрабаваньні па тэставаньні.

Да Калядаў у нямецкіх рэанімацыях могуць апынуцца да шасьці тысячаў грамадзян краіны, папярэдзіла ў сераду нацыянальная асацыяцыя рэаніматалёгіі. Цалкам вакцынаваныя каля 69% грамадзян краіны, гэта адзін з найгоршых вынікаў у краінах Заходняй Эўропы.

Толькі ў чацьвер у краіне зарэгістравалі 74 тысячы новых заражэньняў каранавірусам. Ад пачатку пандэміі хваробу знайшлі амаль у шасьці мільёнаў грамадзян.

На гэтым фоне Шольц, які ў хуткім часе ўзначаліць нямецкі ўрад, выступіў за ўвядзеньне абавязковай вакцынацыі. Сёньня яго падтрымала ў гэтым Мэркель, гэтая ініцыятыва знаходзіць усё большую ўхвалу і ў кіраўніцтве ўсяго Эўразьвязу.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG