Лінкі ўнівэрсальнага доступу

Някляеў распачаў сэрыю прэзэнтацый свайго новага раману ў Польшчы. ФОТА


Уладзімер Някляеў падчас прэзэнтацыі новага раману «Гэй Бэн Гіном» у Кракаве.

Паэт i пісьменьнік Уладзімер Някляеў выдаў новы раман «Гэй Бэн Гіном». З палітычных прычынаў гэты твор не ўдалося выдаць у Беларусі, ён зьявіўся у Польшчы, адкуль аўтар і пачаў цыкль прэзэнтацый.

«Раман стаў актуальны, бо вярнулася тое, што, здавалася, назаўсёды засталося ў гісторыі. Сёньняшняе пакаленьне беларусаў паўтарае лёс пакаленьня сталінскіх часоў. Гадоў рэпрэсій, ахвярмі якіх сталі найлепшыя сыны і дочкі Беларусі. У тым ліку нацыянальны геній Янка Купала, пра жыцьцё і гібель якога раман», — расказаў чытачам сутнасьць задумы Ўладзімер Някляеў, якога цытуе Польскае радыё.

Удзельнікі кракаўскай прэзэнтацыі
Удзельнікі кракаўскай прэзэнтацыі

Назва кнігі ў перакладзе значыць «Геена вогненная».

«Ці папросту пекла, у якім (у вечным страху быць арыштаванымі, апынуцца ў турмах, у лягерах, у Курапатах) пражылі сваё жыцьцё пэрсанажы раману. І ў якім тысячы беларусаў неспадзявана апынуліся сёньня»,— удакладніў аўтар.

Кніга на беларускай мове выдадзена ў Польшчы Фондам Kamunikat.org. У камэнтары для «Польскага радыё» яго кіраўнік Яраслаў Іванюк выказаў спадзяваньне, што праз шэраг прэзэнтацый з творам пазнаёміцца максымальна шырокае кола чытачоў.

Аўтограф-сэсія
Аўтограф-сэсія

«Нам вельмі хочацца, каб трапіла яна да беларускага чытача. Аднак з палітычных прычынаў перадаць яе ў Беларусь будзе вельмі цяжка альбо нават і нерэальна. Таму арганізуем цыкль прэзэнтацый рамана з удзелам Уладзімера Някляева і барда Зьмітра Вайцюшкевіча ў гарадах, якія ёсьць найбуйнейшымі цэнтрамі беларускай эміграцыі ў Польшчы і Літве. Хочам таксама, каб новы раман вядомага беларускага пісьменніка дайшоў да асяродзьдзя беларускай меншасьці», — адзначыў Яраслаў Іванюк.

Першым горадам, які наведаў Уладзімер Някляеў з прэзэнтацыяй, стаў Кракаў. Далей будуць:

Першыя чытачы новага раману
Першыя чытачы новага раману
  • 26.11 — Уроцлаў, Wrocławski Dom Literatury «Klub Proza», Przejście Garncarskie 2, godz. 18:00
  • 27.11 — Познань, Centrum Kultury Zamek Sala Wielka, ul. Św. Marcin 80/82, godz. 16.00
  • 28.11 —​ Гданьск, Miejski Teatr Miniatura, aleja Grunwaldzka 16, godz. 15:30
  • 29.11 —​ Варшава, ul. Kryniczna 6, godz. 18:00
  • 30.11 —​ Лодзь, Dom Literatury, ul. Franklina Delano Roosevelta 17, godz. 18:00
  • 01.12 — Беласток, Podlaski Instytut Kultury, ul. Św. Rocha 14 (Spodki), godz. 17:00
  • 02.12 —​ Бельск Падляскі, Bielski Dom Kultury, ul. 3 Maja 2, godz. 17.00
  • 03.12 —​ Вільня, Саюз пісьменнікаў Літвы, вул. К. Сірвідо 6 (К.Sirvydo 6), 17.00
  • 04.12 —​ Вільня, Беларускі дом, Vilniaus g. 20, 17:00.
У прэзэнтацыйным туры аўтара суправаджае музыка Зьміцер Вайцюшкевіч
У прэзэнтацыйным туры аўтара суправаджае музыка Зьміцер Вайцюшкевіч

Ва ўсіх прэзэнтацыях у Польшчы і Літве на запрашэньне арганізатараў удзельнічае музыка Зьміцер Вайцюшкевіч.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG