Лінкі ўнівэрсальнага доступу

МУС: ніхто зь мігрантаў з хадайніцтвам аб наданьні прыстанішча ў Беларусі не зьвяртаўся


Аляксей Бягун

Рыхтуецца трэці эвакуацыйны рэйс на Блізкі Ўсход, у Беларусі па-ранейшаму знаходзіцца яшчэ некалькі тысяч мігрантаў.

Беларусь разам зь Міжнароднай арганізацыяй па міграцыі (МАМ) і Ўпраўленьня вярхоўнага камісара ААН выпрацоўвае меры па вяртаньні мігрантаў зь мяжы з Польшчай, заявіў журналістам начальнік дэпартамэнту па грамадзянстве і міграцыі МУС Аляксей Бягун.

«Цяпер на тэрыторыі Беларусі знаходзяцца прадстаўнікі Міжнароднай арганізацыі міграцыі, прадстаўнікі ўпраўленьня вярхоўнага камісара ААН у справах уцекачоў, якія праводзяць шэраг сустрэч з рэспубліканскімі органамі дзяржаўнага кіраваньня, дзе выпрацоўваюцца сумесныя крокі па ўрэгуляваньні міграцыйнага крызісу на беларуска-польскай мяжы», — сказаў Бягун.

Паводле яго слоў, бакі будуць «шукаць сумесныя мерапрыемствы па вяртаньні асоб, якія хадайнічаюць аб вяртаньні на радзіму, а таксама па ўрэгуляваньні іх прававога статусу, магчымым допуску ў трэцюю краіну, якая захоча іх прыняць».

Таксама Бягун заявіў, што ніхто зь мігрантаў з Блізкага Ўсходу з хадайніцтвам аб наданьні прыстанішча ў Беларусі не зьвяртаўся.

Напярэдадні Нямеччына адмовілася прыняць 2 тысячы мігрантаў, якія знаходзяцца ў Беларусі. 22 лістапада адбыўся другі эвакуацыйны рэйс, зь Беларусі вылецелі 118 мігрантаў, цяпер да вяртаньня рыхтуецца яшчэ адна група.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG