Лінкі ўнівэрсальнага доступу

Асуджаны да «хіміі» музыка Зьміцер Шыманскі выехаў зь Беларусі


Зьміцер Шыманскі

Удзельніка вядомага гурту Irdorath раней асудзілі за парушэньне грамадзкага парадку.

Дудар гурту Irdorath Зьміцер Шыманскі, асуджаны на 3 гады «хіміі», пакінуў Беларусь, паведамляе by_culture. Цяпер ён знаходзіцца ў Варшаве, і, паводле яго слоў, папраўляе турэмныя наступствы для здароўя.

Музыкаў Irdorath затрымалі разам з кампаніяй сяброў пад Менскам 2 жніўня. Затрыманьне было надзвычай брутальным, са зброяй. Спачатку затрыманых судзілі па адміністрацыйных артыкулах, а потым у дачыненьні музыкаў распачалі крымінальную справу.

Шыманскага абвінавацілі па артыкуле 342 КК Беларусі — «арганізацыя і падрыхтоўка дзеяньняў, што груба парушаюць грамадзкі парадак». Справу разглядаў судзьдзя Алег Каляда.

Згодна з абвінавачаньнямі, 16 жніўня 2020 году Шыманскі разам зь Пятром Марчанкам, Юліяй Юніцкай (Марчанкай), Надзеяй Калач, Уладзімерам Калачом, Антонам Шніпам на вуліцы Леніна ў Менску «рухаўся ў натоўпе, публічна выкрыкваў лёзунгі, перакрываў праезную частку, адмаўляўся падпарадкоўвацца патрабаваньням міліцыянтаў».

Ён жа нібыта загадзя дамовіўся з Марчанкам, Юніцкай, сужэнцамі Калач і Шніпам аб сумесным зьдзяйсьненьні злачынства, прадугледжанага ч. 2 арт. 342 КК РБ — «знаходзячыся сярод натоўпу, граў сумесна зь іншымі музыкамі на інструмэнтах, выконваў музычную кампазыцыю, падобную да песьні „Перамен“ групы „Кіно“ на словы Віктара Цоя».

У выніку Шыманскага асудзілі на 3 гады «хіміі», перад вызваленьнем у залі суду да адбыцьця пакараньня музыка сядзеў у СІЗА на вуліцы Валадарскага. Праваабаронцы прызналі Зьмітра Шыманскага палітычным вязьнем.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG