Лінкі ўнівэрсальнага доступу

Экс-дарадца Трампа: Варта прапанаваць Лукашэнку вілу на Рывіеры


Джон Болтан на сустрэчы з Аляксандрам Лукашэнкам у Менску 29 жніўня 2019 году

Злучаным Штатам варта дамовіцца аб сыходзе Аляксандра Лукашэнкі і прапанаваць яму прыгожую вілу на францускім узьбярэжжы «ці нешта такое», заявіў Джон Болтан, колішні дарадца прэзыдэнта ЗША Дональда Трампа ў нацыянальнай бясьпецы, у інтэрвію амэрыканскаму тэлеканалу CNBC 17 лістапада.

«Небясьпека ў тым, што калі апазыцыя будзе працягваць пратэсты, для Лукашэнкі, калі ён ня зможа мець свайго аўтарытарнага ўраду ў Беларусі, плянам Б будзе папрасіць Расею дапамагчы. А калі такое здарыцца, сам народ Беларусі можа ўжо ніколі не атрымаць магчымасьці мець свабодны ўрад», —цытуе Болтана CNBC.

«Таму нашай стратэгіяй, я думаю, павінна быць тое, як вывесьці Лукашэнку з улады і знайсьці яму прыгожую вілу на Рывіеры ці нешта такое. Нам варта над гэтым падумаць, бо калі ён запросіць Расею, я ня думаю, што яны потым сыдуць».

Болтан дадаў, што, на ягоную думку, расейскі прэзыдэнт Уладзімір Пуцін хоча зрабіць беларускую тэрыторыю часткай Расеі.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG