Лінкі ўнівэрсальнага доступу

Некалькі польскіх паліцыянтаў траўмаваныя на мяжы зь Беларусьсю


Мігранты нападалі на польскіх паліцыянтаў, паведамляе польскі бок

Ня менш за сем супрацоўнікаў польскіх праваахоўных органаў былі траўмаваныя ў выніку інцыдэнтаў на мяжы зь Беларусьсю, паведаміла 16 лістапада паліцыя Польшчы.

«Сямёра паліцыянтаў параненыя падчас сёньняшніх нападаў. Гэта, сярод іншага, паліцыянт, удараны каменем і завезены ў шпіталь, паліцыянтка з траўмай галавы, завезеная ў шпіталь, і яшчэ пяцёра пацярпелі ад траўмаў рук і ног. Траўмы атрыманыя ад кіданых у нас прадметаў», — сказана ў паведамленьні польскай паліцыі ў твітэры.

Раней у Міністэрстве абароны Польшчы заявілі, што мігранты закідалі камянямі памежнікаў і вайскоўцаў, якія ахоўваюць мяжу зь Беларусьсю, спрабуючы прарвацца. Польскія сілы бясьпекі прымянілі сьлезацечны газ, каб стрымаць атаку.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG