Лінкі ўнівэрсальнага доступу

У ноч на 11 лістапада у Польшчу спрабавалі трапіць 468 мігрантаў, 150 зь іх — сілай


Ілюстрацыйнае фота

Польскія памежнікі ўчора, 10 лістапада, зафіксавалі 468 спробаў пераходу мяжы мігрантамі. 42 уцекачам выдалі пастановы пра выезд з тэрыторыі Польшчы. Гэта значыць, калі яны ня просяць прыстанішча ў Польшчы, іх вяртаюць на мяжу.

Уначы каля 150 мігрантаў гуртам спрабавалі сілай прарвацца празь мяжу, паведаміў намесьнік кіраўніка МУС Польшчы Барташ Градэцкі ў эфіры polsatnews.pl

У Літву за ноч спрабавалі трапіць 35 мігрантаў, іх не прапусьцілі літоўскія памежнікі, перадае LRT. Памежнікі выявілі таксама дзьве групы з 30-40 мігрантаў пры мяжы. Прынамсі адна зь іх аточаная беларускімі сілавікамі.

Паводле міністра абароны Літвы Арвідаса Анушаўскаса, каля літоўскай мяжы зь беларускага боку можа быць больш як тысяча мігрантаў.

У Латвіі ўчора спынілі 21 спробу парушэньня мяжы мігрантамі зь беларускага боку.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG