Лінкі ўнівэрсальнага доступу

Польскія памежнікі прадухілілі ўвоз у Беларусь чвэрці тоны гашышу


Кантрабанда гашышу

Польскія памежнікі канфіскавалі рэкордную кантрабанду гашышу вагой 244,5 кг. Яе кошт на чорным рынку перавышае 3 мільёны даляраў. Наркотыкі былі схаваныя ў паўпрычэпе грузавіка, які спынілі на праверку ў Седлецкім павеце, непадалёк ад беларускай мяжы.

Як паведамляе Памежная служба Польшчы, у справе затрымалі двух кіроўцаў.

Грузавік затрымалі для агляду 9 кастрычніка, на трасе E30. Памежнікі мелі інфармацыю, што ў адным з грузавых аўтамабіляў можа перавозіцца значная колькасьць наркотыкаў з адной з заходнеэўрапейскіх краін.

У выніку агляду і вобшуку аўтамабіля з сабакам, навучаным выяўляць наркотыкі, высьветлілася, што ў канструкцыі прычэпа схавана 14 спартовых торбаў з авальнымі кубікамі карычневага колеру. Аналіз, праведзены ў лябараторыі судовай экспэртызы памежнай службы ў Варшаве, паказаў, што гэта гашыш высокай якасьці.

Гашыш
Гашыш

У сувязі з раскрытым незаконным транспартам затрымалі двух мужчын, грамадзян Літвы, якія ехалі на грузавіку. Пракурор абвінаваціў іх ва ўдзеле ў арганізаванай злачыннай групе і спробе вывазу гашышу з тэрыторыі Польшчы ў Беларусь у вялікіх колькасьцях. Падазраваных зьмясьцілі ў сьледчы ізалятар. За ўчыненыя дзеяньні ім пагражае пазбаўленьне волі на тэрмін ад 3 да 15 гадоў.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG