Лінкі ўнівэрсальнага доступу

Прэзыдэнт Польшчы падпісаў закон аб будаўніцтве агароджы на мяжы зь Беларусьсю


Анджэй Дуда

Прэзыдэнт Польшчы Анджэй Дуда падпісаў закон аб будаўніцтве ўмацаваньня на дзяржаўнай мяжы, паведаміла прэс-служба кіраўніка дзяржавы. На польскай мяжы, якая зьяўляецца вонкавай мяжой ЭЗ, будзе створаны бар’ер. Умацаваньне каштуе каля 350 млн эўра.

Законапраект, падрыхтаваны Міністэрствам унутраных спраў і адміністрацыі Польшчы, павінен спрасьціць тэрміновае будаўніцтва ўмацаваньня.

Закон павінен набыць моц на наступны дзень пасьля яго публікацыі. У чацьвер кіраўнік МУС Марыюш Каміньскі заявіў, што «мы можам дазволіць сабе ўмацаваньне», а адпаведныя сродкі будуць выдзеленыя.

Эўразьвяз абвінавачвае Аляксандра Лукашэнку ў арганізацыі міграцыйнага крызісу, каб адпомсьціць за санкцыі, уведзеныя пасьля рэпрэсій супраць іншадумцаў, грамадзянскай супольнасьці і незалежных СМІ пасьля прэзыдэнцкіх выбараў 2020 году.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG