Лінкі ўнівэрсальнага доступу

Прэзыдэнтка Эўрапейскага студэнцкага саюзу запатрабавала спыніць перасьлед студэнтаў, навукоўцаў і выкладчыкаў у Беларусі


Акцыя пратэсту студэнтаў Менскага лінгвістычнага ўнівэрсытэту, верасень 2020 г.

Прэзыдэнтка Эўрапейскага студэнцкага саюзу (ESU) Марціна Дарманін зьвярнулася зь лістом да міністра адукацыі Беларусі Ігара Карпенкі і дырэктара Інстытуту генэтыкі і цыталёгіі НАН Беларусі Руслана Шайко. З інстытуту звольненыя амаль усе чальцы свабоднага прафсаюзу

Як паведамляе выданьне «Беларускія навіны», ESU, які прадстаўляе інтарэсы больш як 20 мільёнаў навучэнцаў ВНУ, патрабуе вызваліць усіх палітвязьняў-студэнтаў, узнавіць на вучобе незаконна адлічаных, аднавіць на працы звольненых выкладчыкаў і навукоўцаў. Акрамя гэтага, арганізацыя выказвае салідарнасьць са свабоднымі прафсаюзамі і Задзіночаньнем беларускіх студэнтаў.

ESU нагадвае, што Беларусь абавязаная выконваць падпісаныя ёю дамовы зь Міжнароднай арганізацыяй працы і стандарты, дэкляраваныя ў рамках Балёнскага працэсу. Сярод іх — свабода самакіраваньня ва ўнівэрсытэтах, права на стварэньне прафэсійных саюзаў і свабода ад перасьледу за меркаваньні. Усё гэта ў Беларусі цяпер не выконваецца.

У сваім звароце Марціна Дарманін патрабуе пакласьці канец палітычнаму перасьледу студэнтаў, навукоўцаў і выкладчыкаў, а таксама ўступіць зь імі ў рэальны дыялёг.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG