Лінкі ўнівэрсальнага доступу

Год карагоду ў Берасьці. Пакаралі 81 чалавека, суды працягваюцца


Карагод у Берасьці, 13 верасьня 2020 году

Год таму берасьцейцы зладзілі карагод на дарозе. Сёньня гэта адна з найбуйнейшых палітычных справаў у Беларусі. Каротка сабралі галоўнае пра яе.

Летась 13 верасьня падчас акцыі пратэсту ў Берасьці каля тысячы чалавек сабраліся на скрыжаваньні бульвара Касманаўтаў і праспэкту Машэрава. Яны вадзілі вялізны карагод, сьпявалі і танцавалі. Пратэстоўцаў тады ўпершыню за час пратэстаў 2020 году разагналі вадамётам.

Пасьля гэтага ўлады завялі крымінальную справу за «актыўны ўдзел у групавых дзеяньнях, якія груба парушаюць грамадзкі парадак» (частка 1 артыкула 342 Крымінальнага кодэксу Беларусі).

Сьледчыя выявілі 115 чалавек, якія былі датычныя да карагоду, 108 зь іх прад’явілі абвінавачаньні, паведамляе «Вясна».

Пацярпелым бокам прызналі тралейбусны і аўтобусны паркі, бо транспарт прастойваў падчас пратэстаў. Шкоду тралейбуснаму парку ацанілі ў 619 рублёў 55 капеек, аўтобуснаму парку — у 40 рублёў 37 капеек.

Ужо асудзілі 81 чалавека. Іх справу разглядалі «канвэерам» у сямі асобных групах.

Агулам прысудзілі: 66,5 года «хіміі», 63,5 года «хатняй хіміі», 7 гадоў і 7 месяцаў калёніі.

Яшчэ некалькі дзясяткаў чалавек чакаюць судоў.

Судзьдзі, якія выносілі прысуды ў «карагоднай справе»: Сьвятаслаў Каліна, Дзьмітры Шурын, Іна Клышпач, Сяргей Маручак, Яўген Брэган, Дзьмітры Куроўскі, Вера Філонік.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG