Лінкі ўнівэрсальнага доступу

Прэс-сакратар Пуціна зьняпраўдзіў інфармацыю пра падрыхтоўку да падпісаньня дакумэнтаў аб інтэграцыі Расеі і Беларусі


Дзьмітры Пяскоў

Аднак, паводле яго інфармацыі, інтэграцыя стане адной з асноўных тэмаў на перамовах 9 верасьня.

Прэс-сакратар прэзыдэнта Расеі Ўладзіміра Пуціна Дзьмітры Пяскоў зьняпраўдзіў інфармацыю пра тое, што кіраўнік ягонай дзяржавы на сустрэчы 9 верасьня ў Маскве будзе падпісваць з Аляксандрам Лукашэнкам афіцыйныя дакумэнты, яго цытуе ТАСС.

Раней пра будучае падпісаньне так званых «дарожных мапаў» гаварыў пасол Беларусі ў Расеі Ўладзімер Сямашка. Аднак неўзабаве гэтыя словы абверглі.

Паводле Пяскова, Пуцін з Лукашэнкам абмяркуюць сытуацыю ў Афганістане, але асноўнай тэмай будуць двухбаковыя адносіны Расеі і Беларусі, прычым Пуцін ня будзе настойваць на прызнаньні афіцыйным Менскам паўвострава Крым расейскай тэрыторыяй.

Прэс-сакратар Пуціна ня мае інфармацыі аб тым, што на сустрэчах будуць падпісваць якія-кольвек дакумэнты, у тым ліку аб далейшай інтэграцыі дзяржаў. Пры гэтым тэма ўсё ж такі будзе закранацца.

«Кожны раз інтэграцыйныя працэсы становяцца адным з буйных пунктаў парадку дня двухбаковых кантактаў . Не сумняваюся, што гэтак будзе і цяпер, і што заўтра таксама інтэграцыйныя працэсы будуць абмяркоўвацца», — сказаў Пяскоў.

Пры гэтым ён параіў пачакаць, што скажуць Пуцін з Лукашэнкам на прэс-канфэрэнцыі пасьля перамоў.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG