Лінкі ўнівэрсальнага доступу

Адвакат Кацярыны Барысевіч і «дыджэяў перамен» зьехаў ва Ўкраіну


Міхаіл Баднарчук (крайні за сталом) у судзе над Кацярынай Барысевіч і Арцёмам Сарокіным

Адвакат Міхаіл Баднарчук у канцы красавіка напісаў заяву з просьбай выключыць яго зь Менскай гарадзкой калегіі адвакатаў і зьехаў у Кіеў, паведаміла «Наша ніва».

«Я вырашыў паставіць на паўзу адвакацкую дзейнасьць, бо ёй ужо немагчыма займацца так, як я рабіў гэта раней.

Па-першае, майго адвакацкага бюро, дзе я працаваў, ужо фактычна няма: адзін партнэр пазбаўлены ліцэнзіі, у другога пэўныя асабістыя праблемы.

Па-другое, на момант майго сыходу ўжо было зразумела, што будуць прынятыя зьмены ў Закон аб адвакатуры і адвакацкай дзейнасьці, згодна зь якім можна будзе працаваць толькі ў рамках юрыдычных кансультацый і пад яшчэ большым кантролем (а фактычна — кіраваньнем) Міністэрства юстыцыі, што мяне не задавальняе», — сказаў адвакат.

Ён дадаў, што зьехаў часова, але ня ведае, калі вернецца і чым будзе займацца ва Ўкраіне».

«Будзем лічыць гэта бестэрміновым творчым адпачынкам», — сказаў Баднарчук.

Нядаўна стала вядома, што вядомы беларускі адвакат Сяргей Зікрацкі, у якога ў сакавіку забралі ліцэнзію, зьехаў у Вільню і стаў прадстаўніком Сьвятланы Ціханоўскай.

Сяргей Зікрацкі, пакуль у яго не забралі ліцэнзію, абараняў

  • журналістку «Белсату» Кацярыну Андрэеву, калі яе судзілі за стрым з «плошчы Пераменаў»,
  • Tut.by, калі яго пазбаўлялі статусу СМІ,
  • супрацоўнікаў беларускага «Прэс-клюбу»,
  • юрыста штабу Віктара Бабарыкі Максіма Знака.

Пасьля пазбаўленьня ліцэнзіі ён з жонкай і дваімі дзецьмі зьехаў у Літву.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG