Лінкі ўнівэрсальнага доступу

Найноўшая гісторыя 1 красавіка ў Беларусі: сьмех скрозь сьлёзы


«Аналітыкі заўважылі, што грамадзкі клімат апошніх 20-ці гадоў у Беларусі зусім не спрыяў публічным праявам шчырага сьмеху», — пісалі мы на сайце svaboda.org 1 красавіка 2013 году. На жаль, тое самае можна сказаць пра любы з апошніх (20? 26?) гадоў. З чаго мы жартавалі 1 красавіка 2011–2020?

2011

У 2011-м на дзень дурняў было не да жартаў. Яшчэ ня змоўкла рэха падзеяў 19 сьнежня 2010, яшчэ сядзелі ў турмах былыя прэзыдэнцкія кандыдаты. У тым годзе на падзею Юры Дракахруст адгукнуўся блогам:

«Сёлета такі год, калі ў дзень сьмеху не да сьмеху, як ніколі. Хаця... хіба скрозь сьлёзы, над абсурдам жыцьця»...

2013

Найперш мы правялі просты тэст на пачуцьцё гумару.

Пасьля мы вырашылі першакрасавіцкую тэму сур’ёзна: запыталіся ў вядомых людзей — ці купляліся яны на розыгрышы сяброў і калегаў. Самую забаўную гісторыю расказаў Станіслаў Шушкевіч.

2015

Год прэзыдэнцкіх выбараў, самых невыразных і незаўважных за ўсю іх гісторыю. Кампанія наблізілася да фазы вылучэньня кандыдатаў. Паводле нашых зьвестак, апазыцыя высунула жанчыну. І гэта была не Тацяна Караткевіч.

Але пачалі мы дзень больш сэнсацыйнай навіною.

2016

Пасьля адносна ціхіх выбараў грамадзкі клімат крыху памякчэў, і жартаваць на 1 красавіка перастала быць нечым недарэчным. Летам 2016-га ў Беларусі меліся зьявіцца пасьлядэнамінацыйныя грошы. Новых грошай ніхто яшчэ ня бачыў, таму тэма прайшла лёгка — пасьля нават давялося дапісваць падрабязны дысклэймэр.

2017

Усплёск грамадзкага неспакою, спароджаны «дармаедзкім дэкрэтам», стаўся важнай падзеяй году, вакол якой грэх было не пажартаваць.

2018

Праз тыдзень пасьля адзначэньня 100-годзьдзя незалежнасьці Беларусі са шматтысячным сьвяткаваньнем пад Опэрным тэатрам у Менску можна было паверыць у што заўгодна, напрыклад у гэта (праўда, фоткі ў артыкуле выглядалі вельмі падазрона).

2019

Калі пераглядаць першакрасавіцкія публікацыі, шукаючы сярод іх жарты, кідаецца ў вочы, што часам бывае немагчыма сказаць — ці гэта жарт, ці абсурдная праўда. Апошнімі гадамі ў Беларусі адбывалася столькі абсурду, што чытач ужо прызвычаіўся да ўсяго. Напрыклад, да такога.

Або такога.

Зрэшты, мы зрабілі на гэтую тэму адмысловы тэст: паспрабуйце самі адрозьніць праўду ад жарту.

2020

У Беларусі, як і ва ўсім сьвеце, запанавала пандэмія, і ўсім зноў стала не да жартаў. І ўсё ж 1 красавіка людзі яшчэ ня страцілі пачуцьця гумару.

2021?

Здавалася б, сёньня ў Беларусі — як ніколі — не да сьмеху: пандэмія, рэпрэсіі, гвалт... Аднак у такой сытуацыі тым болей патрэбная ўзаемная падтрымка, салідарнасьць, цеплыня. І беларусам ёсьць каму ўсьміхацца, з кім жартаваць, з чаго сьмяяцца. Нават сёньня. Тым болей сёньня. Зь першым красавіка вас!

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG