Лінкі ўнівэрсальнага доступу

«Нелегітымная канфэрэнцыя». Прадстаўніцтва ЗША ў АБСЭ пра Ўсебеларускі народны сход


Аўтамабіль Лукашэнкі па дарозе на Ўсебеларускі сход, 2016 год

Прадстаўніцтва ЗША ў АБСЭ назвала Ўсебеларускі народны сход «нелегітымнай канфэрэнцыяй», дзе няма месца апанэнтам улады.  

«Рашучасьць грамадзян Беларусі самастойна вызначаць сваю будучыню і свабодна выбіраць сваіх кіраўнікоў не падлягае сумневу. Аляксандар Лукашэнка абвесьціў, што 11–12 лютага правядзе Ўсебеларускі народны сход — канфэрэнцыю, якая не прэтэндуе на легітымнасьць, бо наўмысна не дае слова пратэставаму руху ды яго лідэрам, улучна са Сьвятланай Ціханоўскай і Каардынацыйнай радай», — гаворыцца ў паведамленьні на сайце амбасады ЗША ў Беларусі.

Ніводзін прадстаўнік дэмакратычнай супольнасьці ня будзе прысутнічаць на сходзе ў якасьці дэлегата з правам галасаваньня.

Некалькі лідэраў зарэгістраваных партый атрымалі запрашэньні ў якасьці гасьцей з функцыяй простага назіраньня за працэсам. Рашэньне наконт таго, ісьці на «форум» ці яго праігнараваць, палітыкі абяцаюць агучыць па выніках паседжаньняў актываў.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG