Лінкі ўнівэрсальнага доступу

Дзьмітрыя Баскава, якога зьвязваюць з канфліктам, які прывёў да сьмерці Бандарэнкі, заўважылі ў навагоднім звароце Лукашэнкі


Дзьмітры Баскаў на навагоднім звароце Аляксандра Лукашэнкі

Выданьне Tribuna.com заўважыла падчас навагодняга звароту Аляксандра Лукашэнкі старшыню беларускай фэдэрацыі хакею Дзьмітрыя Баскава і шэраг іншых спартоўцаў і спартовых функцыянэраў.

Выданьне Tribuna.com заўважыла падчас навагодняга звароту Аляксандра Лукашэнкі старшыню беларускай фэдэрацыі хакею Дзьмітрыя Баскава і шэраг іншых спартоўцаў і спартовых функцыянэраў.

  • тэнісістку Арыну Сабаленка,
  • галоўнага трэнэра зборнай Беларусі па хакеі Міхаіла Захарава,
  • лёгкаатлета Максіма Недасекава,
  • былога гульца зборнай Беларусі па гандболе Сяргея Рутэнку,
  • галоўнага трэнэра зборнай Беларусі па веславаньні на байдарках і каноэ Ўладзімера Шантаровіча,
  • лёгкаатлетку Настасьсю Мірончык-Іванову,
  • старшыню Беларускай тэніснай фэдэрацыі Сяргея Цяцерына,
  • байдарачніцу Марыну Літвінчук.

Летась Дзьмітры Баскаў стаў фігурантам шэрагу скандалаў. У прыватнасьці, яго апазналі сярод удзельнікаў бойкі на «плошчы Пераменаў», пасьля якой атрымаў сур’ёзныя траўмы і памёр мастак Раман Бандарэнка.

Таксама Дзьмітры Баскаў быў сярод арганізатараў аўтапрабегаў за Лукашэнку, падчас аднаго зь іх дэманстратыўна на відэакамэру піў з рыльца гарэлку «Прэзыдэнт».

Латвія, якая разам зь Беларусьсю мелася праводзіць вясной 2021 году чэмпіянат сьвету па хакеі, унесла Баскава ў сьпіс неўязных.

Што вядома пра сьмерць Рамана Бандарэнкі

Раман Бандарэнка
Раман Бандарэнка
  • Невядомыя ў масках пачалі зразаць бел-чырвона-белыя стужкі ў двары на вуліцы Чарвякова ўвечары 11 лістапада.
  • Пасьля вэрбальнага канфлікту зь мясцовымі жыхарамі невядомыя пачалі нападаць і біць жыхароў. Каля 22:16 некалькі чалавек забралі і зьвезьлі на бусах, падобных да тых, якімі карыстаюцца сілавікі.
  • Паводле непацьверджанай інфармацыі, каля 1,5 гадзіны Бандарэнка знаходзіўся ў Цэнтральным РУУС Менску.
  • У 0:05 Раман Бандарэнка паступіў у лякарню хуткай мэдычнай дапамогі зь вялікім ацёкам мозгу, закрытай чэрапна-мазгавой траўмай, субдуральнымі гематомамі, ударамі, абдзірынамі.
  • Паводле лекараў, ён быў у затарможаным стане, але ў апэрацыйную яго ўжо прывезьлі ў коме. Апэрацыя цягнулася некалькі гадзін.
  • Раман быў у крытычным стане.
  • ​ГУУС Менгарвыканкаму сьцьвярджае, што міліцыя прыбыла на месца толькі пасьля здарэньня. Рамана знайшлі непрытомнага і выклікалі хуткую. Адзін са сьведак здарэньня расказаў Свабодзе, што міліцыя прыяжджала яшчэ тады, калі невядомыя зразалі стужкі, «аднак хутка зьехала, нічога не зрабіўшы».
  • Сьледчы камітэт заявіў, што мужчына быў пʼяны. Аднак мэдыкі гэтую заяву абверглі — у крыві Бандарэнкі алькаголю не было.
  • 19 лістапада затрымалі журналістку Tut.by Кацярыну Барысевіч і лекара Арцёма Сарокіна. Кацярына Барысевіч была аўтаркай артыкула, дзе гаварылася, што ў крыві загінулага Рамана Бандарэнкі не было алькаголю. Інфармацыю пра гэта ёй перадаў лекар Арцём Сарокін. Пачатак суду над імі прызначаны на 19 лютага.
  • 18 лютага 2021 году, на соты дзень пасьля сьмерці Рамана, Генпракуратура паведаміла яго маці Алене Бандарэнцы, што па факце сьмерці яе сына пачалі крымінальную справу.
  • 17 верасьня 2021 справу прыпынілі«з прычыны неўстанаўленьня асобы, якая падлягае прыцягненьню ў якасьці абвінавачанага».

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG