Лінкі ўнівэрсальнага доступу

Пра галосныя і роўнасьць


Летась у лістападзе я гэтак выказаў сваю першую спантанную рэакцыю на абраньне Барака Абамы 44-тым прэзыдэнтам ЗША: “…Учорашні дзень стаў знамянальным у гісторыі краіны, якая дагэтуль толькі тэарэтычна хвалілася магчымасьцю дасягненьняў для ўсіх. Я кажу тэарэтычна, бо ўсё ж прэзыдэнтам дагэтуль ніколі не была жанчына, ніколі ня быў прадстаўнік нацыянальнай меншасьці, ніколі не была асоба, прозьвішча якой канчалася на галосную літару... “


Адзін уедлівы наведнік нашага сайту зрабіў мне заўвагу наконт апошняй выказанай мною думкі:

“Эх Данчык Данчык... А Кеннэдзі? А Манро? А МакКінлі? (Насамрэч гэта стары амерыканскі жарт што калі тваё прозвішча заканчываецца на галосную літару, шансу стаць прэзідэнтам у цябе няма. Але жарт такі даволі неправераны...)” “Хрун Маржоў”

Камэнтар Хруна прымусіў мяне зрабіць маленькае дасьледаваньне. Вось жа, ён мае рацыю, але толькі часткова.

У ангельскай мове літара "Y" успрымаецца як зычная, так што – прабачце, Kennedy і McKinley гэты тэст не праходзяць.

Хруну, мабыць, варта было згадаць трох іншых прэзыдэнтаў, пра якіх я забыўся, у якіх прозьвішчы канчаюцца на галосную літару "E", хоць яна там і не вымаўляецца: Fillmore, Pierce and Coolidge.

Але з Monroe Хрун, вядома ж, трапляе ў дзясятку, і я здымаю перад ім капялюш: у прозьвішчы 5-га прэзыдэнта ЗША галосныя і апошняя літара "E" і апошні гук – "O".

Але, падумалася мне: гэта ж давялося чакаць амаль дзьвесьце гадоў, каб прозьвішча прэзыдэнта ЗША канчалася на галосны (Манро быў абраны ў 1817.)

Ну вядома, летась у лістападзе мне трэба было сказаць, што Абама – першы прэзыдэнт ЗША, чыё прозьвішча і канчаецца І ПАЧЫНАЕЦЦА галосным.

Але і гэтае ўдакладненьне ня зьменіць маёй галоўнай думкі: З абраньнем прэзыдэнтам першага ў гісторыі ЗША афраамэрыканца Злучаныя Штаты нарэшце паступілі ў адпаведнасьці з абвешчаным імі прынцыпам – “у гэтай краіне ўсе людзі – роўныя”, а паходжаньне ня можа быць перашкодай да посьпеху. На жаль, яшчэ даводзіцца чакаць, калі роўнасьць пашырыцца на іншыя катэгорыі падзелаў паміж людзьмі...

Глядзець камэнтары (4)

Гэтая дыскусія закрытая.
XS
SM
MD
LG