Лінкі ўнівэрсальнага доступу

Рэфэрэндуму ня будзе. Лукашэнка выступіў са штогадовым пасланьнем да дэпутатаў і народу. Цытаты і камэнтары

Аляксандар Лукашэнка 24 сакавіка выступае са штогадовым — ужо 22-м — пасланьнем да беларускага народу і Нацыянальнага сходу. Выступ доўжыўся 80 хвілін. Свабода выбрала самае важнае.


Аляксандар Лукашэнка, архіўнае фота

Коратка

«Таптаньне на месцы»: Штогадовыя пасланьні Лукашэнкі пятага прэзыдэнцкага тэрміну

Два гады таму першае пасланьне Аляксандра Лукашэнкі на пятым прэзыдэнцкім тэрміне было даволі кароткім (паўтары гадзіны) і даволі кансэрватыўным, сэнсацыйных заяваў не прагучала. Год таму пасланьне было ўжо даўжэйшым (дзьве з паловай гадзіны), запомнілася хутчэй кур’ёзамі: «Мясьніковіча вешалі», «Макей высах», «Коля сьпіць на ўроках​»…

Лідэр Беларускага нацыянальнага кангрэсу Мікола Статкевіч заявіў, што, паводле інфармацыі «з розных крыніц», Лукашэнка 24 красавіка агучыць пытаньні заплянаванага рэфэрэндуму.

Прамова Лукашэнкі доўжылася 1 гадзіну 20 хвілін. Пытаньні дэпутатаў да Лукашэнкі, як заўжды, не паказваюцць па тэлевізіі.

Пра міжнародныя ініцыятывы

Беларусь змагла заняць уласную нішу ў сьвеце, стаўшы глябальным гульцом, упэўнены Лукашэнка.

«Так, ніхто ня кінецца на нашу ініцыятыву „Хэльсынкі-2“, бо гэта ня Штаты ініцыявалі, а Беларусь. І ў нас няма залішніх амбіцый, але пры гэтым няма і комплексу аўтсайдэра. Беларусь — дабротная эўрапейская краіна з адказнай замежнай палітыкай. Не ствараем праблемаў, а дапамагаем усім, хто мае ў гэтым патрэбу».

Пра ціск Расеі на постсавецкія краіны

Малдова, Грузія — навошта душыць «малышоў»? На перакананьне Лукашэнкі, Масква сама вінаватая ў тым, што адбываецца па яе пэрымэтры.

16x9 Image Віталь Цыганкоў

Лукашэнка спрабуе абараніць беларускія эканамічныя інтарэсы нават на фоне армянскіх падзеяў. Кажа, што адной з прычынаў забурэньняў у Армэніі год таму было падвышэньне цэнаў на газ.

«Так нас па адным пераб’юць» — кажа, Лукашэнка, намякаючы, што Расея не павінна падвышаць цэны на газ для Беларусі, бо іначай і ў Беларусі могуць адбыцца хваляваньні.

«Навошта было везьці ў Расею малако з Новай Зэляндыі, калі можна было купіць беларускае малако за меншую цану?» — на фоне армянскай рэвалюцыі Лукашэнка рэклямуе беларускія прадукты.

16x9 Image Валер Карбалевіч

Лукашэнка асьцярожна крытыкуе Расею за тое, што дрэнна працуе Эўразійскі эканамічны саюз, за яе адносіны да Армэніі, Малдовы, Грузіі.

Лукашэнка і рэфэрэндумы

Андрэй Дзьмітрыеў
Андрэй Дзьмітрыеў

Андрэй Дзьмітрыеў, адзін зь лідэраў кампаніі «Гавары праўду», камэнтуе Лукашэнку і рэфэрэндумы:

«У 1994 годзе Аляксандар Лукашэнка прыйшоў да ўлады з галоўным лёзунгам — адвесьці краіну ад прорвы. З таго часу прайшла амаль чвэрць стагодзьдзя. А мы ўсё яшчэ знаходзімся каля прорвы.

Рэфэрэндумы, якія прайшлі за гэты час у Беларусі, нічым не дапамаглі. І яны і не маглі дапамагчы. Бо кожны зь іх быў намэнклятурным і праводзіліся яны не дзеля народу, а дзеля асабістых інтарэсаў уладных вярхоў. Таму я лічу так: добра, што ў нас ня будзе яшчэ аднаго намэнклятурнага рэфэрэндуму. Бо ягоныя наступствы маглі б прывесьці да сытуацыі, куды іншай і куды горшай, чым цяпер у Армэніі».

Яшчэ раз пра Армэнію і малочную вайну з Расеяй

«Па адным павыбіваюць, павыкідаюць з ЭАЭС — як два гады таму, калі ўрад Армэніі падвысіў цэны на расейскі прыродны газ, а потым вымусіў адступіць. Не ад Расеі гэта залежала? Так, ад Расеі. Гэтак жа, як з Новай Зэляндыі Расея возіць сухое малако, а ў суседзяў, у нас, няма куды яго падзець? Дык што ж гэта за супрацоўніцтва? Чаго на малдаванаў кідацца за тое, што яны падпісалі дамову пра супрацоўніцтва з Эўразьвязам?» — заявіў Лукашэнка.

Пра экспарт і харчовыя войны з Расеяй

Беларусь, паводле Лукашэнкі, экспартуе 2/3 вырабленай прадукцыі, чыноўнікам трэба з гэтай лічбай засынаць і прачынацца. Ня трэба займацца глябальнай палітыкай, прадайце тое, што выпусьцілі. Трэба прыцягваць малы і сярэдні бізнэс. «І не забудзьце пра імпартазамяшчэньне», — нагадаў ён.

Агульны рынак з Расеяй, па сутнасьці, так і ня створаны. Да харчовых войнаў, якія ўжо набілі аскоміну, дадаюцца міграцыйныя і памежныя, заявіў Лукашэнка.

Праца тармозіцца непасьлядоўнай пазыцыяй саюзьніка, лічыць Лукашэнка. Або мы рухаемся наперад, або толькі імітуем.

Пра адстаўку Саргсьяна і ЭАЭЗ

"Па адным нас пераб’юць",— заявіў Лукашэнка.

16x9 Image Валер Карбалевіч

Колькасьць сяброў Лукашэнкі ў сьвеце расьце. Вось і генэральны сакратар ААН Антонію Гутэрыш нібыта стаў ягоным сябрам. Ён так і сказаў: мой сябра Антонію Гутэрыш.

16x9 Image Валер Карбалевіч

Ацэньваючы сытуацыю ў Сырыі і ўвогуле ўзмацненьне міжнароднай напружанасьці, Лукашэнка ўскосна пакрытыкаваў і Расею. Расейскія тэлеканалы прапагадуюць вайну. Сырыю выкарыстоўваюць для выпрабаваньня новай зброі.

16x9 Image Віталь Цыганкоў

Лукашэнка зноў абрынуўся на пасярэднікаў у эканоміцы. Натуральна, шырокім масам насельніцтва тая крытыка павінна падабацца. Відавочна, што і асабіста кіраўнік дзяржавы цярпець ня можа пасярэднікаў. Між тым, эканамісты сьцьвярджаюць, што гэта неабходнае зьвяно ў існаваньні рынкавай эканомікі. Тым болей у беларускіх умовах, калі не існуе фондавай біржы, рынку акцыяў ды іншых рынкавых мэханізмаў.

Пра банды ў 1990-х і правераных людзей з аўтаматамі

Лукашэнка недвухсэнсоўна намякнуў, што ў сярэдзіне 1990-х дасылаў «правераных людзей з аўтаматамі», якія перастралялі ўсіх бандытаў на трасе Бэрлін Масква.

«Хочаце, каб было як на пачатку маёй прэзыдэнцкай кар’еры, калі я накіроўваў купку людзей з аўтаматамі, каб перастралялі ўсіх бандытаў на трасе Бэрлін Масква?»

Загрузіць яшчэ

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG