Лінкі ўнівэрсальнага доступу

NATO патрабуе, каб Расея вывела свае войскі з Украіны, Грузіі і Малдовы


Сымболіка NATO

Генэральны сакратар NATO, які адхіліў патрабаваньні Расеі аб непрыняцьці Ўкраіны ў альянс, патлумачыў, чаго хоча вайсковы блёк.

Генэральны сакратар NATO Енс Столтэнбэрг, які адпрэчыў патрабаваньне Расеі аб гарантыях непрыняцьця Ўкраіны ў склад альянсу, патлумачыў афіцыйную пазыцыю і патрабаваньні.

«Надыходзіць крытычны момант для Паўночнаатлянтычнага альянсу. Працягваецца нарошчваньне вайсковых сіл. Сотні тысяч вайскоўцаў, у тым ліку значны кантынгент у Беларусі. Мы зноў заклікаем Расею да дээскаляцыі».

NATO не адмаўляецца ад дыялёгу з Масквой, а наадварот, заклікае абгаворваць усе тэмы і прытрымлівацца дыпляматычных прынцыпаў.

«Па-першае, адносіны Расеі з NATO. Расея мае дыпляматычныя сувязі з NATO, цяпер яны ўскладняюць супрацоўніцтва. Мы павінны працягваць дыялёг па лініі Масква — Брусэль, а таксама ўмацоўваць супрацоўніцтва праз існыя каналы супрацоўніцтва ў вайсковай сфэры. Па-другое, мы гатовыя выслухаць пытаньні, якія хвалююць Расею, і весьці дыялёг на аснове дыпляматычных прынцыпаў эўрапейскай бясьпекі».

Адно з асноўных патрабаваньняў Паўночнаатлянтычнага альянсу — вывад расейскіх войскаў з былых краін Савецкага Саюзу.

«Расея таксама мусіць вывесьці свае войскі з Украіны, Грузіі і Малдовы, дзе яны разьмешчаны бяз згоды гэтых краін. Гэтыя краіны павінны эфэктыўна працаваць разам для ўрэгуляваньня сытуацыі, у тым ліку ў рамках Нармандзкага фармату».

Раней вываду войскаў зь непрызнанага Прыднястроўя запатрабавала прэзыдэнтка Малдовы Мая Санду. Яна заявіла, што неабходна вывесьці з Малдовы ўсе расейскія войскі, якія знаходзяцца там ад часу канфлікту ў пачатку 90-х.

Паводле яго, гаворка ідзе таксама аб празрыстасьці перамоваў з Крамлём аб бясьпецы Эўропы, у прыватнасьці ў кібэрасяродзьдзі і прасторы, і кантролі за выкарыстаньнем хімічнай зброі.

Нарэшце, сказаў Столтэнбэрг, Расея павінна супрацоўнічаць з NATO ў пытаньнях кантролю над ядзернымі ўзбраеньнямі. Ён падкрэсьліў, што NATO «пазначала абарончыя лініі», але не імкнулася да канфрантацыі з Расеяй.

«Мы ня пойдзем на кампраміс з асноўнымі прынцыпамі бясьпекі Эўропы», — сказаў Столтэнбэрг, спасылаючыся на артыкул 5 NATO аб абароне сваіх саюзьнікаў.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG