Лінкі ўнівэрсальнага доступу

Хроніка перасьледу 25 студзеня: 2 гады «хіміі» за камэнтар у адрас кобрынскага падпалкоўніка


Ілюстрацыйнае фота ©Shutterstock

Беларусаў працягваюць перасьледаваць за іх грамадзянскую пазыцыю. Свабода штодня вядзе хроніку рэпрэсій.

У судзе Гарадзенскага раёну 25 студзеня разгледзелі крымінальную справу ў дачыненьні да Пятра Анісімовіча, якога абвінавацілі ў абразе прадстаўніка ўлады па артыкуле 369 Крымінальнага кодэксу Беларусі, паведамляе «Вясна».

У якасьці пацярпелага выступаў падпалкоўнік міліцыі Віктар Турчыновіч, на той момант — намесьнік начальніка Кобрынскага РАУС па ідэалягічнай рабоце і кадрах.

Згодна з абвінавачаньнем, Анісімовіч у сацыяльнай сетцы «Аднаклясьнікі» пакінуў пад фатаздымкам пацярпелага і яго зьвесткамі камэнтар «дзярмо». Свае маральныя пакуты ад гэтага камэнтара пацярпелы падпалкоўнік ацаніў у 1000 рублёў.

У выніку судзьдзя Жанна Сафарэвіч прысудзіла абвінавачанаму два гады «хіміі» і пастанавіла, каб ён сплаціў міліцыянту 1000 рублёў кампэнсацыі маральнай шкоды.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG