Лінкі ўнівэрсальнага доступу

Сусьветны банк паведаміў, каму і колькі была вінная Беларусь у 2020 годзе


Пра справаздачу Сусьветнага банку распавёў партал Zerkalo.io.

Паводле Банку, галоўным крэдыторам Беларусі ў 2020 годзе заставалася Расея, усяго зьнешні дзярждоўг краіны па выніках году склаў 18,57 млрд даляраў. Дадзеныя за 2021 год арганізацыя пакуль не апублікавала.

Дзярждоўг Беларусі за 2020 год павялічыўся на 8,4% — з 17,13 да 18,57 млрд даляраў. Больш за ўсё краіна была вінная Расеі — 8,32 млрд даляраў. На другім месцы апынуліся трымальнікі аблігацыяў, доўг перад якімі склаў 3,52 млрд даляраў (на 62,9% больш, чым па выніках 2019 году). Гэта зьвязана з разьмяшчэньнем у чэрвені 2020 году эўрабондаў на 1, 25 млрд даляраў.

Кітай стаў трэцім паводле велічыні крэдыторам. Яму Беларусь па выніках году вінаватая была 3,25 млрд долараў. Гэта на 6,63% менш, чым годам раней.

Паводле статыстыкі Сусьветнага банку за 10 гадоў дзярждоўг краіны павялічыўся ў 2,8 разы — з 6,56 млрд даляраў у 2010 годзе да 18,57 млрд даляраў у 2020-м.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG