Лінкі ўнівэрсальнага доступу

Сотні жыхароў Махачкалы выйшлі на вуліцы на знак пратэсту супраць адключэньня газу


Мячэт у Махачкале, ілюстрацыйнае фота

Жыхары двух пяціпавярховых дамоў у сталіцы Дагестану выйшлі на пратэсты праз тое, што іх кватэры ўжо амаль два тыдні, як адключылі ад газазабесьпячэньня і не ацяпляюцца. Людзі перакрылі рух на некалькіх вуліцах у цэнтры гораду.

Пра гэта паведамляе «Настоящее время».

Людзі стаялі з плякатамі «Вярніце газ» і «Газавікі супраць народу». Паліцэйскія ня ўмешваліся ў сытуацыю, мітынг не разганялі.

Да пратэстоўцаў прыехаў мэр Махачкалы. Ён запатрабаваў ад камунальнікаў праверыць газавае абсталяваньне ва ўсіх праблемных дамах, і паабяцаў у бліжэйшы час вярнуць туды ацяпленьне.

Пасьля гэтага пратэстоўцы разышліся, але паабяцалі выйсьці на новую акцыю, калі сытуацыя ня зьменіцца.

Больш за 2 тысячы жыхароў Махачкалы засталіся без ацяпленьня з 22 лістапада. Тады ў адным з дамоў адбыўся выбух газу, загінуў 1 чалавек. Прычынамі трагедыі назвалі «самавольнае падключэньне да газапроваду». Мясцовыя ўлады заявілі, што ўжо замянілі ўсе камунікацыі, але чамусьці не падключылі дамы да сыстэмы.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG