Лінкі ўнівэрсальнага доступу

Справу спартовага журналіста Івуліна перадалі ў пракуратуру. Пагражае да 4 гадоў турмы


Аляксандар Івулін

Па справе журналіста Аляксандра Івуліна скончылі папярэдняе сьледзтва.

Справу перадалі ў пракуратуру, піша tribuna. com. Гэта значыць, што неўзабаве можа пачацца суд.

Івуліна абвінавачваюць у «арганізацыі або ўдзеле ў дзеяньнях, якія груба парушаюць грамадзкі парадак» (342 артыкул Крымінальнага кодэксу Беларусі), які прадугледжвае да 4 гадоў калёніі.

Спартовы журналіст, аўтар папулярнага youtube-каналу «ЧестнОК» Аляксандар Івулін у зьняволеньні ўжо амаль 5 месяцаў, з 4 чэрвеня.

Спачатку яго затрымалі нібыта за бел-чырвона-белы сьцяг на бальконе, а затым ня выпусьцілі пасьля адміністрацыйных «сутак» і завялі на яго крымінальную справу паводле арт. 342 Крымінальнага кодэксу (арганізацыя групавых дзеяньняў, што груба парушаюць грамадзкі парадак).

Напісаць ліст журналісту можна па адрасе: 230030 СІЗА №1, Менск, вуліца Валадарскага, 2 Івуліну Аляксандру Мікалаевічу.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG