Лінкі ўнівэрсальнага доступу

Міграцыйны крызіс: Польшча, Літва і Латвія маюць намер зьвярнуцца да артыкулу 4 дамовы NATO


Матэвуш Маравецкі

У сьвятле ініцыяванага Менскам міграцыйнага крызісу кіраўнікі ўрадаў Польшчы, Літвы і Латвіі абмяркоўваюць магчымасьць запуску артыкулу 4 Паўночнаатлянтычнай дамовы — пра гэта ў інтэрвію Польскаму агенцтву друку (PAP) заявіў прэм’ер-міністар Матэвуш Маравецкі

Яго словы цытуе «Польскае радыё».

Кіраўнік польскага ўраду нагадаў, што, згодна з артыкулам 4 дамовы NATO, краіна-ўдзельніца мае права паклікаць іншых удзельнікаў Паўночнаатлянтычнага альянсу на кансультацыі, калі палічыць, што бясьпека, тэрытарыяльная цэласьць або палітычная незалежнасьць яе або іншага саюзьніка знаходзяцца пад пагрозай.

Прэмʼер Маравецкі падкрэсьліў, што рашэньне зьвярнуцца да артыкулу 4 Паўночнаатлянтычнай дамовы робіцца ўсё больш неабходным. Ён падкрэсьліў, што ў цяперашняй сытуацыі недастаткова публічна выказаць сваю занепакоенасьць. «Неабходныя канкрэтныя дзеяньні і ўдзел усяго NATO», — дадаў польскі прэмʼер.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG