Лінкі ўнівэрсальнага доступу

Чаму жаночая камэра ЦІП на Акрэсьціна абвясьціла галадоўку


Ізалятар на Акрэсьціна

Былыя арыштанткі расказалі праваабарончаму цэнтру «Вясна», што цяпер адбываецца ў камэры на Акрэсьціна, дзе, у тым ліку, утрымліваецца прадстаўніца «Белсату» ў Беларусі Ірына Слаўнікава.

Паводле праваабаронцаў, у двухмеснай камэры № 15 у Цэнтры ізаляцыі правапарушальнікаў на Акрэсьціна зь вечара 3 лістапада галадаюць дзесяць жанчын. Зь сярэдзіны кастрычніка на іх пачаўся ціск. У сувязі з гэтым арыштанткі абвясьцілі галадоўку да выкананьня ўсіх патрабаваньняў:

  • вярнуць затрыманым шпацыры;
  • вадзіць у душ;
  • выключаць у камэрах сьвятло на ноч;
  • выдаваць усе неабходныя рэчы згодна з нормамі;
  • вярнуць усе рэчы і лекі.

Як стала вядома праваабаронцам, такую дрэнную рэакцыю ў адміністрацыі ізалятару на Акрэсьціна выклікала нядаўняя скарга на ўмовы ўтрыманьня адной з былых арыштантак.

Падчас «шмону» намесьнік начальніка ЦІПу заявіў, што скаргі, якія арыштаваныя пішуць пасьля вызваленьня, «ня дзейнічаюць». Пры гэтым дадаў, што ўмовы ўтрыманьня будуць пагаршацца, каб «адвучыць» пісаць скаргі.

Раней паведамлялася, што ў камэры ўтрымліваліся журналістка Ірына Слаўнікава і палітзьняволеная Анастасія Крупеніч-Кандрацьева.

1 лістапада прадстаўніцу «Белсату» ў Беларусі Ірыну Слаўнікаву і яе мужа Аляксандра Лойку арыштавалі на 15 сутак за нібыта захоўваньне «экстрэмісцкіх матэрыялаў». Іх затрымалі 30 кастрычніка па вяртаньні на радзіму з адпачынку.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG