Лінкі ўнівэрсальнага доступу

Прэзыдэнт Літвы на саміце Эўразьвязу: «Гібрыдныя атакі беларускага рэжыму становяцца ўсё больш агрэсіўнымі»


Саміт Эўразьвязу, ілюстрацыйнае фота

У Брусэлі на другі дзень саміту Эўразьвязу абмяркоўваюць сытуацыю на вонкавых межах, выкліканая дзеяньямі беларускага рэжыму.

На саміце адзначаюць, што міграцыйны крызіс зьвязаны зь дзеяньнямі уладаў Беларусі, якія прывозіць мігрантаў з Блізкага Ўсходу і Паўночнай Афрыкі, а затым штурхаюць іх празь мяжу з Польшчай, Літвой і Латвіяй, каб дэстабілізаваць сытуацыю ў Эўразьвязе.

Польскае радыё перадае, што 10 краін, у тым ліку Польшча, хочуць дадаць да рэзалюцыі саміту заклік прафінансаваць пабудову агароджы на вонкавых межах у адказ на дзеяньні краін, якія выкарыстоўваюць мігрантаў у якасьці «інструмэнту ціску».

Пра гэта, у прыватнасьці, перад пачаткам сустрэчы казаў прэзыдэнт Літвы Гітанас Наўседа.

«Гібрыдныя атакі беларускага рэжыму становяцца ўсё больш агрэсіўнымі. Мы павінны дзейнічаць як мага хутчэй. У найбліжэйшай пэрспэктыве варта пагаварыць аб узьвядзеньні агароджы, таму што адначасова на мяжы могуць зьявіцца 5 тысяч мігрантаў», — заявіў кіраўнік Літвы.

У пачатку кастрычніка група з 12 краін зьвярнулася да Эўракамісіі з просьбай прафінансаваць фізычныя бар’еры, сьцьвярджаючы, што гэтае пытаньне павінна быць прыярытэтным.

Канцлерка ФРГ Ангела Мэркель на саміце Эўразьвязу
Канцлерка ФРГ Ангела Мэркель на саміце Эўразьвязу

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG