Рэдактараў «Новага часу» Аксану Колб і Сяргея Пульшу пасля допыту адпусьцілі, у іх канфіскавалі тэхніку

БАЖ стала вядома, што ў Сяргея Пульшы быў ператрус дома, гэта пацьвердзілі сьведкі. Пасьля гэтага сілавікі разам зь Сяргеем паехалі ў рэдакцыю «Новага часу». Пасьля допыту яго адпусьцілі.

Аксана Колб была недасяжная праз тэлефон і ў мэсэнджарах. Каля 15-й гадзіны БАЖ паведаміла, што Колб адпусьцілі.

Раніцай былі паведамленьні пра затрыманьне ў бізнэс-цэнтры «Парус» у Менску, дзе месьціцца рэдакцыя «Новага часу».

Сайт і тэлеграм-канал выданьня працуюць, аднак пасьля паўдня перасталі абнаўляцца. Пазьней выданьне пацьвердзіла, што Аксану Колб павезьлі на допыт у Сьледчы камітэт. Сутнасьць прэтэнзій пакуль невядомая.

ГЛЯДЗІЦЕ ТАКСАМА:

«Не пры гэтай уладзе, відаць». Газэта «Новы час» спыняе выхад на паперы

У 2021 годзе газэту выключылі з афіцыйнага распаўсюду, у жніўні «Новы час» перастаў выходзіць на паперы.

19 кастрычніка ў фатографа выданьня «Новы час», колішняга міліцыянта Дзьмітрыя Дзьмітрыева адбыўся ператрус. «Забралі кампутар. Так што пакуль не знайду іншы, застаёмся бяз новых фота», — напісаў Дзьмітрыеў на сваёй старонцы ў Фэйсбуку.

Двое сталыя аўтары выданьня — Мікола Дзядок і Дзяніс Івашын — цяпер за кратамі з палітычных матываў.

ГЛЯДЗІЦЕ ТАКСАМА:

Крычаўскага журналіста затрымалі па абвінавачаньні ў распаўсюдзе экстрэмісцкіх матэрыялаў