Лінкі ўнівэрсальнага доступу

Консульства Беларусі ў менскім аэрапорце спыніла выдачу візаў грамадзянам Сырыі, Ірану, Афганістану і яшчэ чатырох краін


У менскім аэрапорце

Беларускае консульства ў менскім аэрапорце спыніла выдачу візаў грамадзянам Афганістану, Эгіпту, Пакістану, Сырыі, Емэну, Ірану і Нігерыі, паведаміла mediazona.by са спасылкай на сайт турапэратара «Анэкс Тур».

Міністэрства замежных спраў інфармацыі пра гэта не публікавала.

«Хадайніцтвы аб выдачы візы грамадзянам гэтых краін консульскі аддзел МЗС Беларусі ў аэрапорце боку, які сустракае, не прымае, такім чынам, візы ў аэрапорце па прыбыцьці атрыманыя быць ня могуць», — напісаў турапэратар.

Цяпер грамадзяне гэтых краін могуць уехаць у Беларусь толькі пры наяўнасьці ў пашпарце беларускай візы, сьцьвярджае «Анэкс Тур».

На сайце МЗС пазначана, што візы ў аэрапорце выдае ўпраўленьне па пытаньнях уезду замежнікаў галоўнага консульскага ўпраўленьня міністэрства. Хадайніцтва павінна быць пададзенае не пазьней як за два працоўныя дні да даты прыбыцьця замежніка.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG