Лінкі ўнівэрсальнага доступу

У Польшчы арыштавалі мужчыну, якога падазраюць у шпіянажы на карысьць КДБ Беларусі


Ілюстрацыйнае фота

Агенцтва ўнутранай бясьпекі Польшчы заявіла пра арышт мужчыны, які меўся супрацоўнічаць з выведкай Беларусі. У камуністычныя часы падазраваны служыў у польскім аналягу беларускага АМАПу.

Пра затрыманьне шпіёна паведаміў прэс-сакратар каардынатара спэцслужбаў Польшчы Станіслаў Жарын, піша PAP.

«Чалавек, затрыманы Агенцтвам унутранай бясьпекі, зьяўляецца грамадзянінам Польшчы. Яго абвінавацілі ў шпіянажы (арт. 130 Крымінальнага кодэксу) на карысьць спэцслужбы КДБ Беларусі. Затрыманы служыў у ZOMO (спэцпадразьдзяленьне міліцыі Польшчы ў часы Варшаўскай дамовы, аналяг беларускага АМАП. — заўв. РС) з 1981 году, а потым у цывільнай міліцыі і паліцыі да 1999 году. Скончыў службу 20 гадоў таму ў якасьці афіцэра памежнай службы ў званьні лейтэнанта ў 2001 году», — гаворыцца ў паведамленьні прэс-сакратара.

12 кастрычніка суд арыштаваў падазраванага ў шпіянажы на тры месяцы.

Прэс -сакратар адзначыў, што нельга выключыць і далейшыя арышты ў гэтай справе, таму ён ня можа даць дадатковай інфармацыі ў гэты момант.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG