Лінкі ўнівэрсальнага доступу

Суд пакінуў журналіста «КП в Беларуси» Мажэйку пад вартай


Генадзь Мажэйка

Суд у Менску адхіліў скаргу адвакатаў Генадзя Мажэйкі.

Суд Партызанскага раёну Менска разгледзеў скаргу адвакатаў на меру стрыманьня журналісту газэты «Комсомольская правда в Беларуси» Генадзю Мажэйку, паведамляе «Вясна».

Працэс праходзіў у закрытым рэжыме, у залі былі толькі абаронцы, пракурор і судзьдзя. Абвінавачанага ў суд не прывезьлі.

За час арышту журналіста кіраўніцтва выданьня ў Маскве вырашыла закрыць беларускае аддзяленьне, а ў Крамлі абмежаваліся словамі аб тым, што не падзяляюць пазыцыю Менску і ня згодныя з блякаваньнем сайту kp.by.

Галоўны рэдактар «Комсомольской правды» Ўладзімір Сунгоркін назваў абвінавачаньне Генадзю Мажэйку абсурдным.

«У нас няма ніякіх іншых варыянтаў, акрамя як праз нашых юрыстаў даказваць, што гэтае абвінавачаньне абсурднае. Мы будзем выступаць у судзе, калі гэта будзе магчыма; нашы юрысты будуць працаваць, будзем пісаць пра гэта, рабіць усё, што магчыма».

Генадзь Мажэйка. Таямнічае затрыманьне журналіста

  • У канцы верасьня на сайце «Комсомольской правды в Беларуси» зьявілася нататка, дзе адна з аднаклясьніц забітага супрацоўнікамі КДБ праграміста Андрэя Зельцара добра выказалася пра яго. Аўтарам нататкі быў журналіст Генадзь Мажэйка.
  • Мажэйку затрымалі ў ноч на 2 кастрычніка, пасьля чаго зьмясьцілі ў ізалятар на Акрэсьціна ў Менску, у яго дома правялі ператрус.
  • Пры гэтым дакладна невядома, у якой краіне затрымалі Мажэйку. Беларускія сілавікі сьцьвярджаюць, што зрабілі гэта ў Менску, але ёсьць таксама інфармацыя пра тое, што журналіста «КП» выкралі з Масквы.
  • Галоўны рэдактар «Комсомольской правды» Ўладзімір Сунгоркін сказаў, што Генадзя Мажэйку будуць абараняць два адвакаты.
  • 4 кастрычніка прэс-сакратар прэзыдэнта Расеі Пуціна Дзьмітрый Пяскоў заявіў, што Крэмль апавясьціў Лукашэнку аб тым, што выступае супраць блякаваньня СМІ на беларускай тэрыторыі, але беларускі бок ня чуе пазыцыі Масквы.
  • 5 кастрычніка прадстаўнік «Комсомольской правды» Валянцін Алфімаў паведаміў, што Генадзь Мажэйка застаўся ў ізалятары пасьля 72 гадзін утрыманьня за кратамі, што азначае тое, што да яго ўжытая мера стрыманьня ў выглядзе заключэньня пад варту. Пры гэтым абвінавачаньняў яму ня выставілі.
  • 11 кастрычніка Мажэйку выставілі абвінавачаньні ў распальваньні сацыяльнай варажнечы (арт. 130 КК) і абразе прадстаўніка ўлады (арт. 369). Да яго ў жодзінскае СІЗА не пускаюць адваката, спасылаючыся на карантын, а таксама не прымаюць перадачы.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG