Лінкі ўнівэрсальнага доступу

Юрыя Чыжа пакінулі пад вартай, суд не задаволіў ягонай скаргі


Зруйнаваная бізнэс-імпэрыя Юрыя Чыжа, каляж

Суд Цэнтральнага раёну Менску 11 кастрычніка разгледзеў скаргу на затрыманьне, узяцьце пад варту, падаўжэньне тэрміну ўтрыманьня пад вартай і хатнім арыштам, а таксама на прымусовае зьмяшчэньне ў судова-псыханэўралягічны стацыянар, якія падаў Юры Чыж.

Разглядаць скаргу прызначылі судзьдзю Вікторыю Шабуню, працэс быў закрытым. Такім чынам упершыню афіцыйна пацвердзілі арышт вядомага бізнэсоўца — інфармацыя пра паседжаньне зьявілася на сайце Вярхоўнага суду. Да гэтага часу інфармацыя пра затрыманьне Юрыя Чыжа была негалоснай — у сакавіку сілавікі прыходзілі ў зьвязаныя зь ім кампаніі.

Як патлумачыў Reform.by адвакат Міхаіл Баднарчук, звычайна ў раскладзе пішуць канкрэтную падставу скаргі: «на затрыманьне», «на ўзяцьце пад варту» і г.д. Але фармулёўка ў выпадку зь Юрыем Чыжом азначае, што ў пададзенай скарзе названыя ўсе пералічаныя факты.

У выніку суд разгледзеў скаргу і пакінуў сузаснавальніку кампаніі «Трайпл» ранейшую меру стрыманьня — узяцьце пад варту. Ці будуць яшчэ працэсы ў гэтай справе, пакуль невядома. Няма і згадкі пра вынікі судова-псыхіятрычнай экспэртызы.

Юрыя Чыжа ўжо затрымлівалі ў 2016 годзе праз падазрэньне ва ўхіленьні ад выплаты падаткаў у асабліва буйным памеры. Неўзабаве ён выйшаў на волю, у гэты ж час вялося сьледзтва ў дачыненьні да ягонага партнэра Ўладзімера Япрынцава.

Пазьней пачаўся падзел бізнэсу, вынікам чаго стала згортваньне шэрагу буйных праектаў групы кампаній. ТАА «Трайпл» знаходзіцца ў стадыі ліквідацыі.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG