Лінкі ўнівэрсальнага доступу

Санкцыі супраць Беларусі вымусілі Літву спыніць праект рэканструкцыі чыгункі за 60 млн эўра


Літоўская чыгунка, таварны лякаматыў

Літоўская чыгунка адклала праект рэканструкцыі ўчастка Плунге-Шацейкяй коштам амаль 60 млн эўра.

Прычынай адмовы называецца геапалітычная сытуацыя і санкцыі ў дачыненьні да Беларусі, паведамляе агенцтва Delfi.

«Геапалітычная сытуацыя з-за санкцый Эўразьвязу і ЗША для Беларусі змушае нас перагледзець інвэстыцыйную аддачу некаторых праектаў», — сказаў генэральны дырэктар інфраструктурнай кампаніі LTG Infra Караліс Санкаўскіс.

У сувязі з увядзеньнем заходніх санкцый у дачыненьні да прадпрыемства «Беларуськалій» у Літве ад сьнежня чакаюць скарачэньня аб’ёмаў перавозак калійнай прадукцыі.

LTG Infra мае намер скасаваць падпісаныя ў канцы 2019 году кантракт на 56,5 мільёнаў эўра з кампаніяй Kauno tiltai, якая павінна была рэканструяваць блізу паўтара дзясятка кілямэтраў шляхоў, масты, пераходы, стрэлкі, пераезды, а таксама мадэрнізаваць станцыі Плунге і Шайцейкяй.

У выніку рэалізацыі праекту хуткасьць пасажырскіх цягнікоў магла , павялічыцца да 160 км / г, а грузавых — да 120 км / г.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG