Лінкі ўнівэрсальнага доступу

Ва Ўкраіну прыбыў груз вайсковай дапамогі ЗША


Сумесныя вучэньні вайскоўцаў ЗША і Ўкраіны, 20 верасьня 2021

Аб пастаўках вайсковай дапамогі ЗША Ўкраіне прэзыдэнт краіны Ўладзімір Зяленскі некалькі тыдняў таму дамовіўся з амэрыканскім лідэрам Джо Байдэнам падчас візыту ў Вашынгтон.

Пра гэта інфармуе DW.

Груз вайсковай і тэхнічнай дапамогі Ўкраіне ад ураду ЗША, пра пастаўкі якога Ўладзімір Зяленскі дамовіўся з Джо Байдэнам падчас візыту ў Штаты ў пачатку верасьня, прыбыў у міжнародны аэрапорт Кіева «Барыспаль» у нядзелю, 10 кастрычніка.

Адзначаецца, што, акрамя ўзгодненага аб’ёму паставак на суму 250 млн даляраў, Украіна атрымала ад амэрыканскіх партнэраў дадаткова «мэдычную маёмасьць», боепрыпасы, высокадакладнае ўзбраеньне і сродкі для радыёлякацыйнага назіраньня — на суму 60 млн даляраў.

Паводле Міністэрства абароны Ўкраіны, пачынаючы з 2014 году Вашынгтон аказаў матэрыяльна-тэхнічную падтрымку Кіеву на суму больш як два мільярды даляраў.

У сярэдзіне верасьня прэзыдэнт Украіны Уладзімір Зяленскі у інтэрвію тэлеканалу CNN сказаў, што лічыць некарэктным параўноўваць яго краіну з Афганістанам, які ў адзін цудоўны момант пазбавіўся падтрымкі ЗША.

Пры гэтым палітык заявіў, што ў 2014 годзе «ўкраінцам ўдалося адстаяць сваю дзяржаўнасьць, нягледзячы на тое, што ім супрацьстаяла расейскае войска, а ўкраінскія ўзброеныя сілы ня мелі ніякай замежнай падтрымкі», і выказаў падзяку за тое, што Ўкраіна застаецца ў сьпісе прыярытэтаў ЗША.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG