Лінкі ўнівэрсальнага доступу

Замест Баскава кіраваць Фэдэрацыяй хакею будзе чэмпіён у веславаньні


Аляксандар Багдановіч

Фэдэрацыю хакею Беларусі 8 кастрычніка ўзначаліў вясьляр, чэмпіён Алімпіяды-2008 Аляксандар Багдановіч.

Фэдэрацыю хакею Беларусі 8 кастрычніка ўзначаліў Аляксандар Багдановіч, паведаміў Нацыянальны алімпійскі камітэт.

У 2008 годзе Багдановіч заваяваў залаты мэдаль Алімпіяды ў веславаньні на каноэ.

Сёлета ў жніўні Аляксандар Багдановіч выступіў з асуджэньнем Крысьціны Ціманоўскай, якую зьнялі з Алімпіяды за крытыку кіраўніцтва, якое заявіла яе ў дысцыпліне, да якой яна не рыхтавалася.

«Так, я не спрачаюся, можа дзесьці недагледзелі, нешта атрымалася ня так. Але калі трэба было падставіць плячо, спартовец не захацеў выступаць, а хацеў проста хайпу. У кожнага ёсьць свая мэта. Хтосьці едзе змагацца за мэдаль, хтосьці едзе па іншыя мэты», сказаў Багдановіч у эфіры АНТ.

На мінулых прэзыдэнцкіх выбарах Аляксандар Багдановіч прагаласаваў датэрмінова.

«Мой выбар відавочны. Я рос разам з гэтай дзяржавай, у 1995 годзе пачаў займацца веславаньнем. Мы не былі адразу моцныя на міжнароднай арэне, але паступова набылі сваю ўпэўненасьць і незалежнасьць у спорце», — казаў ён БелТА.

Аляксандар Багдановіч — адзін з падпісантаў праўладнага ліста спартоўцаў, які зьявіўся летась у лістападзе.

Папярэднім старшынём Фэдэрацыі хакею быў Дзьмітры Баскаў.

8 верасьня Міжнародная фэдэрацыя хакею на 5 гадоў дыскваліфікавала Баскава за парушэньне кодэксу паводзінаў фэдэрацыі:

  • непасрэдны ўплыў на іншых іншых людзей для падтрымкі ўладаў,
  • пагрозы і дыскрэдытацыю беларускіх спартоўцаў за іх палітычныя погляды,
  • злоўжываньне сваім становішчам для падтрымкі Аляксандра Лукашэнкі.

10 верасьня Дзьмітры Баскаў пакінуў пасаду старшыні Фэдэрацыі хакею Беларусі. У паведамленьні арганізацыі ўдакладнялася, што функцыянэр напісаў заяву аб звальненьні ў сувязі зь «неабгрунтаваным грубым ціскам і каб не нашкодзіць віду спорту».

Дзьмітрыя Баскава падазраюць у датычнасьці да забойства актывіста Рамана Бандарэнкі. Інцыдэнт здарыўся 11 лістапада 2020 году на «плошчы Перамен» у Менску, дзе група людзей зразала бел-чырвона-белыя стужкі. На Рамана Бандарэнку напалі, ён атрымаў цяжкія раненьні і на наступны дзень ад іх памёр.

14 верасьня Аляксандар Лукашэнка прызначыў Дзьмітрыя Баскава сябрам Савету Рэспублікі (верхняй палаты парлямэнту).

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG