Лінкі ўнівэрсальнага доступу

МЗС Расеі пракамэнтавала сытуацыю з «Камсамолкай» у Беларусі


Марыя Захарава

Расейскі бок разьлічвае, што правы журналістаў у Беларусі будуць выконвацца ў адпаведнасьці з агульнапрынятымі міжнароднымі нормамі. Пра гэта ў суботу заявіла ТАСС афіцыйная прадстаўніца МЗС Расеі Марыя Захарава.

«Пасольства Расеі ў Менску знаходзіцца ў пастаянным кантакце зь беларускім бокам па пытаньнях функцыянаваньня ў Беларусі „Комсомольской правды“. Гаворка ідзе пра беларускі СМІ і грамадзянах Беларусі. Пры гэтым працуе газэта як філіял расейскага выданьня. У сувязі з гэтым мы зыходзім з таго, што правы журналістаў будуць выконвацца ў адпаведнасьці з агульнапрынятымі міжнароднымі нормамі», — сказала дыпляматка.

29 верасьня Міністэрства інфармацыі Беларусі заблякавала доступ да сайту беларускай «Камсамолкі». Сёньня стала вядома пра затрыманьне журналіста выданьня, які пісаў пра загінулага Андрэя Зельцара.

Напярэдадні КП апублікавала камэнтар аднаклясьніцы забітага супрацоўнікамі КДБ праграміста Андрэя Зельцара, у якім тая станоўча пра яго выказалася. Гэта выклікала абурэньне праўладных тэлеграм-каналаў, пасьля чаго КП зьмяніла акцэнты ў матэрыяле. Паводле кіраўніка расейскай газэты «Комсомольская правда» Ўладзіміра Сунгоркіна, беларуская рэдакцыя «цалкам добрасумленна» асьвятляе сытуацыю ў краіне, але ўлады ўжо больш як год забараняюць распаўсюджваць і друкаваць выданьне.

1 кастрычніка прэс-сакратар прэзыдэнта Расеі Ўладзіміра Пуціна Дзьмітрый Пяскоў назваў блякаваньне незаконным.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG