Лінкі ўнівэрсальнага доступу

Ад каранавірусу памёр бацька палітвязьня Паўла Севярынца


Канстанцін Севярынец, архіўнае фота

У Віцебску памёр пісьменьнік і журналіст Канстанцін Севярынец, бацька палітвязьня Паўла Севярынца.

Пра сьмерць Канстанціна Севярынца паведаміла ягоная жонка Тацяна.

Апошнія дні Канстанцін Севярынец знаходзіўся ў рэанімацыі, ён хварэў на каранавірус.

Канстанцін Севярынец скончыў факультэт журналістыкі, у савецкія часы працаваў карэспандэнтам БелТА, ён аўтар кніг вершаў. Браў актыўны ўдзел у грамадзкім жыцьці Віцебшчыны.

Пахаваньне адбудзецца на радзіме пісьменьніка ў вёсцы Ўнорыца непадалёк ад Рэчыцы, на беразе Дняпра — такое, паводле блізкіх, было жаданьне самога Канстанціна Севярынца.

Пакуль невядома, ці адпусьцяць на пахаваньне Паўла Севярынца, які цяпер адбывае пакараньне ў калёніі ў Шклове.

Жонка Паўла Вольга Севярынец зьвярнулася з просьбай любымі спосабамі дапамагчы, каб на пахаваньне адпусьцілі Паўла:

«Звяртаемся да арганізацый, дыпляматаў і проста добрых людзей. Мы робім для гэтага, што можам. Просім аб малітве за душу Канстанціна Паўлавіча. Пахаваньне адбудзецца ў яго роднай вёсцы — Унорыцы».

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG