Лінкі ўнівэрсальнага доступу

Канстытуцыйны суд: Пытаньне аб адмене сьмяротнага пакараньня прызнанае немэтазгодным


Асуджаныя да сьмяротнага пакараньня, архіўнае фота

Улады прапануюць у пэрспэктыве правесьці асобны рэфэрэндум у пытаньні захаваньня ці адмены сьмяротнага пакараньня ў Беларусі. Але цяпер гэта «не актуальна».

Па выніках абмеркаваньня ў Аляксандра Лукашэнкі прапаноў наконт зьмены Асноўнага Закону старшыня Канстытуцыйнага суду і адпаведнай камісіі Пётар Міклашэвіч закрануў пытаньне сьмяротнай кары.

Беларусь застаецца апошняй краінай Эўропы, дзе няма мараторыю на вышэйшую меру пакараньня.

Паводле чыноўніка, сёньня ставіць пытаньне аб зьмене парадку ўжываньня сьмяротнага пакараньня прызнана немэтазгодным, паколькі гэта «вельмі адчувальны момант».

«Пытаньне ўжо разглядалася на рэфэрэндуме 1996 году. І для правядзеньня спэцыяльнага рэфэрэндуму патрабуецца адпаведная праца, сацыялягічныя дасьледаваньні, тлумачальная праца і праверка гатоўнасьці грамадзтва да прыняцьця такога адказнага рашэньня», — цытуе БелТА кіраўніка Канстытуцыйнага суду.

Артыкул 24 дзейнай Канстытуцыі Беларусі прадугледжвае магчымасьць прымяненьня сьмяротнага пакараньня.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG