Лінкі ўнівэрсальнага доступу

Жыхарку Астравеччыны будуць судзіць за забойства 3-месячнага сына


Ілюстрацыйнае фота

П'яная маці пабіла сына так моцна, што той памёр.

32-гадовую жыхарку Астравеччыны будуць судзіць за жорсткае забойства ўласнага 3-месячнага дзіцяці. Прэс-служба Генпракуратуры паведаміла аб перадачы справы ў суд.

6 чэрвеня абвінавачаная ў стане алькагольнага ап’яненьня нанесла сыну ня менш за 11 удараў па розных частках цела. Сьледзтва кваліфікуе гэта як злачынства «на глебе раптоўнай агрэсіі да свайго сына».

Згодна з высновай судова-мэдычнай экспэртызы, сьмерць хлопчыка наступіла ад закрытай чэрапна-мазгавой траўмы, якая суправаджалася пераломамі касьцей чэрапа, кровазьліцьцямі пад абалонкі галаўнога мозгу, ударам і разьбіцьцем тканкі мозгу.

Судова-псыхіятрычная экспэртыза пацьвердзіла, што абвінавачаная на момант учыненьня злачынства ўсьведамляла свае дзеяньні.

Абвінавачаная да суду застанецца пад вартай.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG