Жыхара Менска пакаралі арыштам за забойства дваровага ката

Як паведамляе прэс-служба Вярхоўнага суду, суд Цэнтральнага раёну Менску пакараў абвінавачанага трыма месяцамі арышту.

Падставай для разгляду справы сталі падзеі 13 чэрвеня. Каля шматкватэрнага дому мужчына на вачах суседзяў кінуў аб асфальт дваровага ката, які спаў на капоце прыпаркаванага аўтамабіля. Жывёліна атрымала сур’ёзныя траўмы і загінула ад страты крыві.

ГЛЯДЗІЦЕ ТАКСАМА:

Жыхарку Буда-Кашалёўскага раёну аштрафавалі за жорсткае забойства коткі

У судзе абвінавачваны прызнаў віну часткова. Па яго словах, ён сапраўды кідаў ката аб зямлю, але жывёліна не памерла, а сьледчым наўмысна падкінулі «іншае цела».

Па словах менчука, нелюбоў да дваровых катоў у яго паўстала ад таго, што яны пастаянна драпалі капот аўтамабіля — за перафарбоўку ён заплаціў блізу 400 эўра.

ГЛЯДЗІЦЕ ТАКСАМА:

«Мне няма чаго есьці, і сабаку няма чым карміць». У Нароўлі мужчына жорстка забіў жывёлу

У выніку суд прызнаў мужчыну вінаватым і прызначыў яму тры месяцы арышту — колькі і запрасіла раней пракуратура. Пакуль прысуд не набыў законную моц і можа быць абскарджаны.