Лінкі ўнівэрсальнага доступу

Дарадца Ціханоўскай узяў удзел у канфэрэнцыі высокага ўзроўню ва Ўкраіне


Францішак Вячорка

Дарадца Сьвятланы Ціханоўскай Францішак Вячорка ўзяў удзел у Ялцінскай канфэрэнцыі эўрапейскай стратэгіі, якая прайшла ў Кіеве.

У канфэрэнцыі ўдзельнічалі прэзыдэнт і кіраўнік МЗС Украіны Уладзімір Зяленскі і Дзьмітры Кулеба, былы прэзыдэнт Украіны Леанід Кучма, былы прэм’ер Швэцыі Карл Більдт, экс-дарадца прэзыдэнта ЗША па нацыянальнай бясьпецы Джон Болтан, былы прэзыдэнт Польшчы Аляксандар Квасьнеўскі.

Паводле дарадцы Ціханоўскай беларускі крызіс стаў адной з тэмаў канфэрэнцыі.

«Падчас канфэрэнцыі мы правялі шэраг кансультацыяў з палітычнымі групамі, міністэрствам замежных справаў Украіны і офісам прэзыдэнта. У прыватнасьці, размаўлялі пра нявыдачу беларусаў і асабістых дадзеных нашых суайчыньнікаў КДБ Лукашэнкі, спыненьне палітычнай і эканамічнай супрацы з рэжымам і санкцыі, Усходняе партнэрства і супрацу ў міжнародных арганізацыях» — распавёў Францішак Вячорка пра свае перамовы падчас канфэрэнцыі.

Падчас канфэрэнцыі ў дыскусіі, прысьвечанай Беларусі, узялi удзел намесьнік міністра замежных справаў Украіны Васіль Боднар, былы міністар замежных справаў Літвы Лінас Лінкявічус, былы амбасадар ЗША Джон Хербст.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG