Лінкі ўнівэрсальнага доступу

Пераварот у Гвінэі: прэзыдэнта арыштавалі, межы закрылі, урад распусьцілі


Сьцяг Гвінэі

Лідэр путчыстаў у Гвінэі Мамаду Дубуя пацьвердзіў паведамленьні аб арышце яго прыхільнікамі прэзыдэнта краіны Альфы Кондэ, паведамляе інфармацыйны партал Guinee Matin.

Ён таксама абвясьціў аб закрыцьці межаў, роспуску ўрада і парлямэнта, прыпыненьні дзеяньня канстытуцыі. Усіх гвінэйскіх вайскоўцаў Думбуя заклікаў пакуль заставацца ў казармах.

Раней мясцовыя СМІ паведамлялі, што па іх дадзеных Кондэ арыштаваны байцамі вайсковага спэцназу, якія ўзбунтаваліся супраць яго. Акрамя таго, пад вартай, па іх інфармацыі, апынуліся многія высокапастаўленыя чыноўнікі.

У сацсетках у нядзелю апублікаваныя фота і нават відэа, на якіх, як мяркуецца, бачны Кондэ пасьля яго затрыманьня путчыстамі.

Думбуя паведаміў, што заняў пасаду лідэра Нацыянальнага камітэта па аб’яднаньні і разьвіцьці. Паводле яго слоў, мэтай камітэта зьяўляецца абʼяднаньне ўсіх грамадзян краіны для вырашэньня праблемаў, якія стаяць перад дзяржавай. Раней Думбуя служыў у францускім замежным легіёне, а ў 2018 годзе вярнуўся ў Гвінэю.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG