Лінкі ўнівэрсальнага доступу

У Крыме затрымалі крымскататарскага палітыка Нарымана Джэляла


Нарыман Джэлял

У сяле Першамайскае Сімфэропальскага раёну Крыму прайшоў ператрус у вядомага крымскататарскага палітыка, выкладчыка, палітоляга і журналіста Нарымана Джэляла. Пасьля ператрусу яго павезьлі на сінім мікрааўтобусе ў невядомым кірунку, паведамляюць Крым.Реалии.

Інфармацыі ад расейскіх сілавых структур у анэксаваным Крыме няма.

Да свайго затрыманьня, сёньня ўначы, Нарыман Джэлял на сваёй старонцы ў Фэйсбуку напісаў, што ў сяле Першамайскае каля гадзіны ночы 4 верасьня супрацоўнікі расейскай паліцыі правялі ператрус у доме Азіза Ахтэмова, пасьля чаго Ахтэмава павезьлі ў невядомым кірунку.

Нарыман Джэлял — вядомы крымскататарскі палітык, выкладчык, палітоляг і журналіст. Намесьнік старшыні Мэджлісу крымскататарскага народу з 2013 году і да забароны дзейнасьці Мэжджлісу пасьля анэксіі Крыму Расеяй, былы кіраўнік яго інфармацыйна-аналітычнага падразьдзяленьня.

У сакавіку 2014 году Расея анэксавала ўкраінскі паўвостраў Крым. Міжнародныя арганізацыі прызналі анэксію Крыма незаконнай і асудзілі дзеяньні Расеі. Краіны Захаду ўвялі супраць яе эканамічныя санкцыі. Крэмль называе анэксію паўвострава «аднаўленьнем гістарычнай справядлівасьці».

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG