Лінкі ўнівэрсальнага доступу

Media-Pоlesye аднавіла доступ да сайту праз VPN, але ня мае ілюзій, што гэта надоўга


Сайт Media-Pоlesye перастаў адкрывацца зь вечара 2 верасьня. Рэдакцыя даведалася ад хостэра, што тэхнічных збояў не было, а рэсурс заблякаваны з боку правайдэра. Прычыну хостэр параіў шукаць у Міністэрстве інфармацыі.

Міністэрства інфармацыі на запыт рэдакцыі пакуль не адказала.

Цяпер тэхнічная служба аднавіла працу сайту. «Але мы ня маем ілюзій, што гэта надоўга», — адзначыла рэдакцыя.

Трапіць на сайт у Беларусі можна толькі праз VPN. Мяркуючы па тым, што рэсурс знаходзіцца ў дамэннай зоне .by, ва ўладаў застаецца магчымасьць ня толькі заблякаваць яго, але і адключыць. Падобным чынам ліквідавалі сайты парталу Tut.by і агенцыі «БелаПАН».

Media-Pоlesye выходзіць з чэрвеня 2012 году, зьяўляецца адным зь нямногіх сайтаў у Беларусі, якія маюць статус сеткавага СМІ. Паводле выданьня, іх наведваюць каля 30-40 тысяч карыстальнікаў за дзень.

У ліпені дома ў галоўнага рэдактара Святланы Гарды, ключавых супрацоўнікаў і ў офісе «Мэдыя-Палесься» прайшлі ператрусы. Тэхніку і іншыя носьбіты інфармацыі да гэтага часу не вярнулі.

У канцы ліпеня за публікацыю пра так званую «пінскую справу» судзьдзя Братанава аштрафавала «Мэдыя-Палесьсе» на 5771 рубель.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG