Лінкі ўнівэрсальнага доступу

Улады зьбіраюцца ліквідаваць абʼяднаньне, якое давала прытулак жанчынам, пацярпелым ад гвалту


Ілюстрацыйнае фота

Дэпартамэнт фінансавых расьсьледаваньняў накіраваў на адрас Менгарвыканкаму прапанову аб ліквідацыі грамадзкага абʼяднаньня «Радзіслава», паведаміла «Вясна».

«Радзіслава» — некамэрцыйная недзяржаўная дабрачынная арганізацыя, якая ад 2002 году дапамагала жанчынам, якія пацярпелі ад гвалту. У прытулку «Радзіславы» знаходзілі дах і падтрымку жанчыны, якія ўцяклі зь сямʼі ад зьбіваньня і зьдзекаў.

Іх гісторыі ня раз зьяўляліся на сайце Свабоды.

30 ліпеня Аляксандар Лукашэнка на нарадзе з чыноўнікамі заявіў, што «пад выглядам дабрачыннасьці адпрацоўвалася чужая палітычная замова».

Па ягоных падліках, розных недзяржаўных фондаў, прыватных установаў, праваабарончых арганізацый у Беларусі было паўтары тысячы.

У выніку «праведзеных мерапрыемстваў», ягонымі словамі, выдзелена 185 «дэструктыўных арганізацый», якія нясуць патэнцыйную пагрозу нацыянальнай бясьпецы.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG