Лінкі ўнівэрсальнага доступу

Суд у Маскве завочна арыштаваў Сяргея Кароткіх, датычнага да «Беларускага дома ва Ўкраіне»


Пятро Парашэнка ўручае грамадзянства Сяргею Кароткіх

Басманны раённы суд Масквы задаволіў хадайніцтва Сьледчага камітэту Расеі аб завочным арышце Сяргея Кароткіх, вядомага ў Беларусі сваім удзелам у беларускім аддзяленьні арганізацыі РНЕ (Расейскае нацыянальнае адзінства), а пазьней — ва ўкраінскім добраахвотніцкім батальёне «Азоў», створаным у 2014 годзе для абароны тэрытарыяльнай цэласнасьці Ўкраіны.

Сяргею Кароткіх інкрымінуюць артыкул «Забойства дзьвюх або больш асобаў, учыненае групай паводле папярэдняй змовы або арганізаванай групай, з матываў палітычнай, ідэалягічнай, расавай, нацыянальнай або рэлігійнай нянавісьці ў дачыненьні да якой-небудзь сацыяльнай групы».

Іншых дэталяў справы не ўдакладняюць, а адпаведную пастанову аб арышце, як адзначаецца на сайце судоў агульнай юрысдыкцыі Масквы, публікаваць забаронена.

Паводле Крымінальна-працэсуальнага кодэксу Расеі, суд можа разглядаць пытаньне аб арышце падазраванага толькі ў ягонай прысутнасьці. У той жа час расейскае заканадаўства дазваляе завочна ўхваляць рашэньне аб узяцьці пад варту ў выпадку абвяшчэньня падазраванага ў міжнародны ці міждзяржаўны вышук.

Сяргей Кароткіх назваў абвінавачаньні ў Расеі фэйкам і падкрэсьліў, што «любое незалежнае агенцтва расьсьледаваньняў усе гэтыя фэйкі раскрые „на раз“».

У 2014 годзе Сяргей Кароткіх атрымаў грамадзянства Ўкраіны. Апошнім часам ягонае імя зноў зьявілася ў інфармацыйнай прасторы ў сувязі з датычнасьцю да грамадзкай арганізацыі «Беларускі дом ва Ўкраіне», фармальнага кіраўніка якога Віталя Шышова 3 жніўня знайшлі павешаным у лесапаркавай зоне на ўскраіне Кіева.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG