Лінкі ўнівэрсальнага доступу

Плывец Ігар Бокі з сусьветным рэкордам заваяваў другое золата Паралімпіяды ў Токіё


Ігар Бокі на паралімпійскім пʼедэстале

Беларускі плывец Ігар Бокі стаў двухразовым чэмпіёнам Паралімпіяды ў Токіё. Чарговае золата спартовец здабыў на дыстанцыі 100 мэтраў на сьпіне (катэгорыя s13, або людзі са слабым зрокам).

Выніковы час паралімпійца з Бабруйску — 56,36 сэкунды, гэта новы сусьветны рэкорд для гэтай катэгорыі. Канадзец Нікалас Гай Турбід, які фінішаваў другім, саступіў лідэру больш за 3 сэкунды.

Напярэдадні Ігар Бокі ўжо заваяваў залатую узнагароду на дыстанцыі 100 мэтраў батэрфляем. Такім чынам, агулам мэдалёў найвышэйшай вартасьці ў яго стала 13. Зь іх 5 ён здабыў на Паралімпіядзе ў Лёндане – 2012, а яшчэ 6 — на аналягічных стартах у Рыё-дэ-Жанэйра ў 2016-м.

У Токіё два дзясяткі беларускіх паралімпійцаў выступаюць у пяці відах спорту. Пакуль што мэдалёвую скарбонку папаўняе выключна 27-гадовы бабруйскі ўнікум Ігар Бокі.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG