Лінкі ўнівэрсальнага доступу

Папа Францішак заклікаў людзей вакцынавацца


Папа Францішак

Вакцыны даюць надзею на спыненьне пандэміі, але толькі калі яны будуць даступныя ўсім, адзначыў пантыфік.

Папа Рымскі Францішак выступіў са зваротам, у якім заклікаў людзей зрабіць прышчэпку супраць COVID-19, заявіўшы, што вакцыны могуць пакласьці канец пандэміі, але павінны быць прынятыя ўсімі.

«Дзякуючы міласьці Божай і працы многіх людзей у нас цяпер ёсьць вакцыны, здольныя абараніць нас ад COVID-19», — сказаў папа ў відэазвароце, зробленым ад імя некамэрцыйнай амэрыканскай арганізацыі Ad Council і кааліцыі COVID Collaborative, якая працуе ў сфэры аховы здароўя.

«Яны даюць нам надзею на спыненьне пандэміі, але толькі калі яны будуць даступныя ўсім і калі мы аб’яднаем намаганьні», — дадаў пантыфік.

Вакцыны шырока даступныя галоўным чынам у багатых краінах, але недавер і нерашучасьць у дачыненьні да нядаўна распрацаваных прэпаратаў прыводзяць да таго, што шмат хто адмаўляецца ад прышчэпак, што робіць такіх людзей асабліва ўразьлівымі на фоне распаўсюджваньня штаму «дэльта».

Наадварот, бедныя краіны па-ранейшаму ня маюць доступу да буйнамаштабных паставак вакцын.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG