Лінкі ўнівэрсальнага доступу

У Турэччыне разьбіўся пажарны самалёт, які належаў расейскай арміі


Самалёт «Бе-200» падчас першага палёту ў 2020 годзе, архіў

На поўдні Турэччыны разьбіўся пажарны самалёт-амфібія «Бе-200», які належаў расейскаму міністэрству абароны. На борце было 8 чалавек, у тым ліку пяцёра расейскіх вайскоўцаў. Усе яны загінулі.

Самалёт выкарыстоўваўся для тушэньня лясных пажараў і лічыўся на балянсе Кіраўніцтва лясной гаспадаркай Турэччыны. Ён удзельнічаў у тушэньні пажару, які ўзьнік у раёне Алмалы на поўдні краіны, перадае агенцтва Anadolu. У раён катастрофы накіраваныя атрады ратавальнікаў.

Прычыны таго, што здарылася яшчэ не вядомыя. На відэазапісах відавочцаў зь месца падзеі бачна, што самалёт урэзаўся ў гару.

На месца катастрофы накіраваная камісія расейскага міністэрства абароны, сказана ў паведамленьні ведамства. Самалёт, названы ў гонар савецкага лётчыка Аляксандра Мамкіна, зрабіў першы палёт у лютым 2020 году.

Ён стаў першым Бе-200, які быў пабудаваны на Таганрогскім авіяцыйным заводзе ад сьнежня 2018 году і сёмым сэрыйным самалётам гэтага тыпу таганрогскай вытворчасьці. У Расеі ён базаваўся на аэрадроме гораду Крымск ў Краснадарскім краі, у Турэччыну ён быў накіраваны ў пачатку ліпеня.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG